Böðvar's Thoughts

Minn Guð og ég

2011-11-07T13:00:00.000Z

Það má kalla þetta ljóð.

Minn Guð og ég

Minn Guð er svo stór
hann er inni í tímanun og utan hans
hann er inni í efninu og utan þess—
í stuttu máli
hann er bæði inni í og utan við sköpun sína.

Og sköpunin er ekkert minni háttar verk.
Í dag þykjast menn hafa séð—eða öllu heldur reiknað út—endimörk heimsins
en hafa þeir allar forsendur til þess að reikna út stærð hans?
(Og hvað er þá fyrir utan endimörkin?)

Milljarðar ljósára. Ótrúlegur massi af efni.
Og svo er efnið mestan part ekkert nema mismunandi rafsvið (eftir því sem fræðingar hafa komist næst).

Og þessi stóri Guð, sem allt þetta hefur gert
hann elskar mig
—litla mig.

Eins og borðið, stóllinn, húsið, fiðlan, flygillin
vitna um höfunda þess:
arkitektinn, smiðinn, handlangarann,
—þessi er frábær—þessi hefur engan smekk, enga getu—þessi fer á spjöld sögunnar
—Michaelangelo, DaVinci, Stradivarius, Baldwin, Guðmundur Samúelsson—
þannig vitnar sköpunarverkið:
alheimurinn, sól, jörð, tungl, eldfjöll, hafís, Grænlandsís, hverir, móar, sóleyjar, fíflar, störinn, sandurinn, fiskarnir, kýrin á básnum, hundurinn, flóin, starrinn, lóan,
þannig vitnar allt um höfund þess, arkitekt, smið, handlangara, hann sem er allt í öllu.

Þannig opinberar hann sig öllum hugsandi verum.
Og okkur, mönnunum, opinberar hann sig einnig í sínu orði fyrir munn
spámanna sinna, postula sinna,
gegnum ritara Heilagrar ritningar
og gefur mér kost á nánari kynnum.

Hann segir mér að það,
að hugrenningar mínar og samviska ýmist ásaka mig eða afsaka,
sé vegna þess að ég sé syndari—samviska mín sé ekki hrein,
ég þurfi að þvost af syndum mínum.
Hann segir mér að forfeður mínir hinir fyrstu hafi verið skapaðir hreinir,
með hreina samvisku.
En svo kom eitthvað og truflaði þá.
Beindi augum þeirra annað.

Og þeir hrösuðu.
Sviku Guð.
Völdu eftirsókn eftir visku fremur en eftirsókn eftir lífinu.
Þá var samviska þeirra ekki lengur hrein.
Þeir þurftu að fela sig
fela sig fyrir Guði.
Þeir þurftu að hylja sig.
Allt í einu varð egóið til.
Guð var ekki lengur vinur
heldur óvinur,
fannst þeim, sem áður höfðu lifað eingöngu fyrir hann.

En Guð kom strax með plan B:
Hann skyldi senda son sinn til þess að friðþægja
svo að við gætum hreinsast.
Er nokkuð sem hindrar?
Já, því miður: Egóið.
Egóið er alltaf að þvælast fyrir.

„Sá sem ekki afneitar sjálfum sér er mín ekki verður,“ sagði Sonurinn.
Hann hafði afneitað sínu sjálfi. Í staðinn kom sjálf Föðurins.
Og mennirnir hötuðu hann og krossfestu í bræði (meðan örfáir stóðu þegjandi hjá).

Yfirgefinn af öllum, yfirgefinn af Guði sjálfum, fór hann
úr heimi héðan til dánarheima.
En vegna réttlætis síns, vegna þess að hann hafði afneitað sjálfum sér,
gat dauðinn ekki haldið honum.

Og hann reis upp frá dauðum og birtist mörgum, já allt að
fimm hundruðum í einu,
en líka fáum í senn.
Birtist, talaði, mataðist, hvarf á ný
og steig að lokum upp til himna að mörgum ásjáandi.
—Og þeir horfðu bara upp í loftið í undrun.

Þá kom engill og sagði við þá:
„Á hvað eruð þið eiginlega að glápa? Hann er farinn. Hvað sagði hann ykkur?“
—Heldur svona aulalegt fyrir þá.

Hann hafði lofað þeim úthellingu Heilags anda.
Og það rættist á hvítasunnudag, þar sem saman var komið fólk hvaðanæva úr heiminum.
Heilagur andi, sem sannfærir um synd, réttlæti og dóm
hann sannfærði.

Hann hefur sannfært mig.
Ég vil hafa þennan Guð.
Hann hefur frelsað mig með því að gefa mér réttlæti Sonar Guðs, Jesú Krists.
Hann hefur þvegið mig í „blóði Lambsins sem úthellt er frá upphafi heims“.

Takk, Jesús.
Takk, minn Guð, þú ert svo stór.

Amsturdammur og Hitta í Mosfellssveit

2011-08-01T22:17:00.000Z

Í föðurætt er ég af Klingenbergsætt, eins og sagt er í upphafi þessa bloggvefjar. Ætt föðurömmu minnar er hins vegar rakin til Miðdals í Mosfellssveit (og víðar). Sonur Gísla Helgasonar og Arndísar Jónsdóttur, þar búandi 1789, Gísli Gíslason bjó með konu sinni, Guðrúnu Sigmundsdóttur, að Hittu, Amsturdammi og Varmá. Ég hef átti í vandræðum með að staðsetja Amsturdamm, en rakst á þessa athugasemd Sigurðar Hreiðarssonar við athugasemd við athugasemd á bloggi hans:

21

[...klippt...]

En Helga Guðrún -- um götunafnið Amsturdam -- um aldir var kot til í Mosfellssveit sem stóð milli Reykja og Helgafells litlu austar en stóru byggingarnar í Reykjalundi standa nú sem hét Amsturdammur. Tvennum sögum fer af tilurð heitisins, ég hef séð því haldið fram að það hafi í öndverðu byggt Hollendingur sem kom frá Amsterdam en almenna skýringin og sú sem mér líkar engu síður er að þetta kot hafi verið óttalegur amstursdammur. Svo þegar hús tóku að rísa við heimreiðina að rústum gamla eyðikotsins kom þetta götuheiti nánast af sjálfu sér, Amsturdam.

Sigurður Hreiðar, 21.9.2008 kl. 12:24

Takk fyrir þessar upplýsingar, Sigurður.

Hitta mun hins vegar hafa verið kotbýli í túninu á Mosfelli, eftir því sem kemur fram í upphafi "Niðjatals frá Gísla Helgasyni bónda 1765-1836 og konu hans Arndísi Jóhsdóttur 1770-1838, samanteknu og skrásettu af Jóhanni Eiríkssyni, Reykjavík 1955".
Einhvers staðar rakst ég á það að upprunalegt nafn Hittu hefði getað verið Hytte, en mér finnst það satt að segja ólíklegt. Svo mikið er til af skrítnum nöfnum (að því er núlifendum finnst) og mörg sem hafa glatað merkingu sinni.

Af þessari ætt eru m. a. Sr. Jónas Gíslason heitinn og Michelsenarnir í Hveragerði, en Sigríður Ragnarsdóttir giftist 1940 Paul Valdemar Michelsen garðyrkjumanni, syni Jörgens Franch Michelsen úrsmiðs.

Wishbass Padouk Fantasy 5-string fretless

2011-07-13T17:11:00.001Z

My beautiful and extremely well sounding Wishbass. Bought in Nov 2006 on Ebay. Have a look at my album.

Byssueign borgar sig -- eða þannig...

2009-10-12T12:31:00.002Z

Skaut verðandi eiginkonu sína til bana

Ameríska leiðin: að skjóta fyrst og kveikja síðan ljósið virðist ekki alltaf virka eins og til var ætlast! Hvenær ætla Bandaríkjamenn að læra að frjáls byssueign er bölvun?

We demand that Facebook show some manners!

2009-06-29T00:30:00.003Z

My letter to Facebook administration on behalf of Sigþrúður Þorfinnsdóttir as a member of a support group for her:

Facebook's own abuse of "abuse"

Dear sirs /madam.

Facebook users in Iceland are astonished because of your termination of Sigþrúður Þorfinnsdóttir's registration on Facebook, [e-mail withheld for the public]. We are a large group of your fans and frequent users in Iceland who can not understand or accept that you terminate users without any reasonable ground or explanation.

We demand that you explain your decision or at least give a resonably grounds for your, to us, incomprehensible and unbelievable decision.

We know for sure, that there is someone in Iceland who sends complaints to Facebook regarding some users and they do it in a persuit of game.

It seems that your "report abuse" system is entirely automatic and there is not much the users can do if they accidentally overstep some electronic boundaries you have for Facebook use or if someone just hits the button.

This is highly frustrating, to say the least, and to be thrown out in this manner is equal to social expulsion for the victim. Facebook friends don't get any announcement of this neither beforehand so they could possibly come to your defense or put in a good word, nor after the fact, the victim simply disappears like in the former communist east block.

There has been some discussion here in Iceland about Facebook throwing out people well liked in our community without any kind of human interaction on your behalf and this is something that needs to change. If users can be terminated from using Facebook based on false accusations or gross misunderstanding your integrity has been seriously damaged. We know you can fix this malfunction in your system to prevent this from happening again if you only bother.

We demand that you let Sigþrúður Þorfinnsdóttir back in and afford him/her and others in similar situations, an explanation.

Be kind to your reputation. :-)

Yours sincerly,

Bodvar Bjorgvinsson

Hræsni Sjálfstæðismanna

2009-06-02T14:04:00.002Z

Á www.visir.is er þessi frétt í dag: Ætla að endurgreiða risastyrkina á næstu sjö árum - vaxtalaust

Sjálfstæðismenn hafa farið mikinn vegna styrkja allt að 5 millj. kr. sem Samfylkingin hefur fengið frá einstökum fyrirtækjum um leið og þeir segjast ætla að skila styrkjum upp á allt að 50 millj. kr. sem þeir móttóku meðan verið var að fjalla um takmörkun á slíkum styrkjum. Nú kemur hins vegar í ljós að þeir ætla að skila sömu krónutölu, en vaxta- og verðbótalaust, á næstu 7 árum.

Hversu mikið mun krónan hafa fallið þá að meðaltali frá því að Sjálfstæðisflokkurinn fékk greiðslurnar? Ætli það verði nema í mesta lagi helmingurinn af raunverði sem Sjálfstæðisflokkurinn skilar?

Miðað við það verður það að teljast nokkur kokhreysti hjá Sjálfstæðisflokknum að segjast skila framlögunum, þegar þeir í raun skila kannski ekki nema helmingi - eða jafnvel minna.

Þarf ekki aðeins meiri iðrun og yfirbót í í íslenska pólitík en þetta?

Gull mun hækka í USD 6.000,00 únsan

2009-05-27T16:56:00.002Z

Samkvæmt áliti Dr. Murray Sabrin mun verð á gulli, sem nú stendur í um USD 950,00 únsan hækka meira en sexfalt á næstu árum. Hann útskýrir það nánar hér: Why Gold Will Rise to at Least $6,000 per Ounce, en aðalástæðan er viðvarandi vantrú á gjaldmiðlum sem ekki eru bundnir "raunverulegum verðmætum" eins og dollarinn gerði meðan hann var "útskiptanelgur fyrir gull".

Dr. Sabrin spáir því að fljótlega komi upp krafa um að dollarinn verði aftur bundinn við gull. Gullforði bandaríska seðlabankans er aðeins 260 milljónir únsa og yrði því únsan að kosta USD 6.153 dali.

Siðlausir hrægammar (frétt á www.visir.is)

2009-05-26T13:13:00.003Z

Þak á innheimtukostnað gildir ekki um skuldir í lögheimtu

Maður hélt að komið hefði verið böndum á okurstarfsemi lögfræðinga, en reglugerð sem Björgvin Sigurðsson fyrrverandi viðskiptaráðherra setti í janúar um hámarksfjárhæð innheimtukostnaðar gildir víst aðeins um innheimtuviðvörun og milliinnheimtu.

Þarf virkilega að setja lög um öll þök á innheimtu, hámarksálagningar o.s.frv. Það er augljóst að ekki gilda samkeppnislögmál hjá lögfræðingum, þrátt fyrir mikinn fjölda þeirra.

Er kannski komið mál fyrir samkeppnisstsofnun að skoða lögfræðiþjónustur? Eða kannski þarf Evu Joly í svoleiðis verk!

Uppfært í Lenny (Debian 5)

2009-04-21T21:23:00.002Z

Uppfærði um helgina úr Debian 4 Etch í Debian 5 Lenny. Fékk ekki X-windows (grafíska umhverfið) upp,en bara ákveðnar villumeldingar. Gúgglaði netið og fann fremur lítið. Það sem ég prófaði virkaði ekki. Þá er bara að snúa sér að íslensku vinunum á RGLUG e-mail grúppunni og lýsa málinu. Og þar stóð ekki á svörum:

Ertu búinn að setja inn xserver-xorg-video-nv?

Farið í APTITUDE sem ég hef nánast ekkert notað áður (ekki grafískt umhverfi) og lært á það í skyndi og leitað. Jú, það virtist ekki inni, en í pökkum sem ekki höfðu niðurhalast í uppfærslunni. Það er forrit sem heitir hald sem á að sjá um þetta sjálfvirkt, en hefur eitthvað klikkað á nVidia kortinu.

Setja + við xserver-xorg-video-nv og síðan ýta á g og aftur g og dræverinn niðurhalast og er settur upp.

Svo þarf náttúrulega að reboota svo allt virki eins og í M$ Windows, er það ekki? Ó nei, bara keyra serverinn: skipunin "startx" og upp kemur þetta fína grafíska umhverfi.

Sáttur! :D

Þakkir Guði og Guðjóni á RGLUG

Er hægt að vera kaþólskari en páfinn? - visir.is:Eva Jolie fullkomlega vanhæf

2009-04-15T20:15:00.002Z

Þessu heldur Brynjar Níelsson, hæstaréttarlögmaður fram á www.visir.is. Hann segir ennfremur í grein sinni, sem byggð er á þekktri aðferðafræði sem kölluð er FUD (Fear, Uncertainty, Doubt) og er ætlað einmitt það, að sá ótta og óvissu og skapa efa:

Kafli 1: Uncertainty

Eva Joly er fullkomlega vanhæf til að koma að rannsókn sérstaks saksóknara. ... Brynjar ... vekur máls á rannsókn bankahrunsins í grein í Morgunblaðinu í dag. Þar segir hann að í kjölfar bankahrunsins virðist sem flestum þyki eðlilegt að lýsa því yfir opinberlega að stjórnendur fjármálafyrirtækja og svokallaðir auðmenn séu glæpamenn.

Er þetta fullyrðing sem hann telur sig geta staðið við? Er hér um vísvitandi ýkjur að ræða eða er maðurinn ekki betur upplýstur? Ég tel eins og flestir að tilteknir menn, sem öll merki eru um að hafi komið Íslandi á knén með hættuspili í fjármálaleikfimi hljóti að verða að una því að vera kallaðir sínum réttu nöfnum. Eru menn ekki sektaðir fyrir glæfraakstur, glannalega meðferð skotvopna o.s.frv.?

Þá sé þess krafist að þeir verði lokaðir inni og eignir þeirra frystar.

Hvað annað er skynsamlegt? Eigum við í nafni tilgerðarréttlætiskenndar að horfa upp á að eignir okkar sem tilteknir aðilar hafa skert, svo vægt sé tekið til orða, hverfi með öllu af því að þeim sé gefinn allur sá tími sem þeir þurfa til að má út spor sín og koma auðnum undan?

Kafli 2: Fear

Brynjar segir að þegar hlustað sé á slíkan málflutning og þegar þeir sem fari með rannsókn og saksókn taki undir hann sé ástæða til að óttast um örlög réttarríkis.

Réttarríki sem metur hærra rétt grunaðra en rétt þeirra sem fyrir skaðanum verða, er það svoleiðis réttarríki sem Brynjar vill? Er hann kannski kominn með client - einhvern þessara grunuðu? Mann fer að gruna ýmislegt.

Kafli 3: Doubt

Í greininni fjallar Brynjar sérstaklega um Evu Joly, rannsóknardómarann frá Frakklandi, sem ráðin hefur verið til embættis sérstaks saksóknara. Hann segir ekkert athugavert við að leita aðstoðar erlends sérfræðings við úrlausn mála en hins vegar sé óvenjulegt að útlendir sérfræðingar séu starfsmenn embætta, sem fara með rannsókn sakamála. Brynjar segir yfirlýsingar Evu Joly á opinberum vettvangi um að íslenskir fjármálamenn hafi skotið undan fé og að yfirgnæfandi líkur séu á því að stjórnendur bankanna hafi brotið lög veki furðu. Með yfirlýsingum af þessu tagi sé brotið gegn hlutlægnisreglu rannsakanda og ákæruvalds. Brynjar segir að það sé einsdæmi í réttarsögu Íslands að aðilar sem lýst hafi yfir sekt þeirra sem rannsaka skal komi að rannsókn sakamála. Vegna þessa sé Eva Joly fullkomlega vanhæf til að koma að rannsókninni. Ráðningin geti hugsanlega valdið því að rannsóknin og möguleg saksókn ónýtist, í ljósi þess að sakborningar hafi ekki hlotið réttláta málsmeðferð.

Þarf ég að segja meira?

"Viðskiptaráð: Þjóð getur ekki átt eign" (Viðskiptablaðið)

2009-04-02T14:27:00.002Z

Það er merkilegt hvað (ný)frjálshyggjan nær langt og hvað hún er langt frá því að vera dauð. Þrátt fyrir bankahrun kemur bæði lögfræðingastóð Sjálfstæðisflokksins (enda flestir lögfræðingar Sjálfstæðismenn) og bissniss-gúrúar og halda áfram ruglinu. Tivitnuð frétt var í Viðskiptablaðinu í dag:

Viðskiptaráð: Þjóð getur ekki átt eign
- Gera athugasemdir við stjórnaskrárfrumvarpið, segja ríkið þegar ráða yfir auðlindum

Hverjar eru svo forsendurnar fyrir því að "Þjóð geti ekki átt eign"? Hverjar eru skýringarnar á því? Að sjálfsögðu engar, enda hafa þessir postular Davíðs Oddssonar og Hannesar Hólmsteins bara þeirra orð fyrir því og þeir segja bara "aþþí bara". Málið ku vera í hnotskurn að þjóð hafi ekki kennitölu. Bíddu við: Hvenær varð kennitalan til?

Ótrúlegt hvað forheimskaðir háskólagengnir menn geta verið mikil vélmenni.

Hvað er jafnaðarstefnan?

2009-03-30T17:55:00.004Z

Ég var spurður að því um daginn hvað jafnaðarstefnan væri í mínum huga. Ég svaraði eitthvað á þá leið að hún væri um það að huga að þeim sem höllum fæti standa í þjóðfélaginu með tekjujöfnun og fleiru sem ég tíndi til.

Svo fór ég að hugsa málið í raun. Ég var ekki ánægður með svarið sem ég hafði gefið. Og allt í einu kom upp í huga mér það sem mér finnst vera rétta svarið.

Jafnaðarstefnan er kærleiki. Og vel að merkja: kærleiki til manna en ekki hugmynda. Því að kærleikurinn vekur samúð með þeim sem líður illa og með þeim sem misgera öðrum.

En jafnaðarstefnan er ekki kærleikur til einhverra stefnumála. Stefnumálin rúmast innan jafnaðarstefnunnar aðeins í þeim mæli sem þau mótast af kærleikanum til mannanna. Þannig má segja að ýmiss konar "jafnréttismál" eigi illa heima innan jafnaðarstefnunnar, ef þau einkennast af offorsi og yfirgangi gagnvart meðbræðrum okkar. Þannig finnst mér krafa samtaka eins og siðmenntar og annarra slíkra, sem krefjast t. d. vanhelgunar helgidaga, og að meirihlutinn láti alltaf í minni pokann fyrir fámennum minnihlutahópum, sem gala og góla og hafa hátt, eiga takmarkaðan rétt til að telja sig heyra jafnaðarstefnunni til.

Ég hef vissa samúð með þrýstihópum á borð við femínistum, þar sem berið er að reyna að vinna gegn þeirri bábilju að konur séu körlum óæðri, skoðun, sem því miður virðist allt of ríkjandi enn. Ég er hins vegar ekki sammála öllum þeirra hugmyndum um úrlausnir. Ég held að við verðum fyrst og fremst að vinna að því að styrkja konur til bættrar sjálfsímyndar. Ég tel að liður í því hljóti að vera að berjast gegn þeirri staðalímynd að stúlkur þurfi að líta svona og svona út, nota þetta og þetta til þess að bæta útlitið, o.s.frv.

Sem betur fer hefur jafnaðarstefnan náð þeim heildareinkennum sem fara mjög hönd í hönd við siðaboðskap kristindómsins um að elska náungann og beita þannig ýmsum jöfnunartækjum, svo sem skattkerfi og bótakerfi, til þess að koma í veg fyrir það böl sem hlýst af fátækt. Sagan sýnir okkur svo ekki verður um villst að án jafnaðarstefnunnar eða einhvers í líkingu hennar verður alltaf of mikil misskipting auðs og lífsgæða. Í þessu efni má benda á þjóðskipulag frumgyðnigdóms eins og sjá má í hluta af lögmáli Gyðinga (2.-5. Mósebækur), þar sem sérstök áhersla er lögð á að hlú að þeim sem höllum fæti stóðu á þeim tíma, ekkjum, munaðarleysingjum og útlendingum. Þessi aðstoð fólst einkum í því að gera þeim kleyft að safna af jarðávexti Gyðinga, þeirra 11 kynkvisla, sem jarðnæði höfðu (12. kynkvíslin átti ekki jarðir og áttu hinar 11 að gjalda tíund þeim til viðurværis).

Hvert er viðmið kærleikans? Jú, það er það sem felst í hinum gullvægu orðum Biblíunnar: Elska skaltu náungann eins og sjálfan þig. Ef jafnaðarstefnan hefur þetta að leiðarljósi, mun henni farnast vel.

Horfin frétt í Mogga

2009-03-27T08:49:00.003Z

Ég fékk þetta Newsfeed frá Mbl.is á iGoogl síðuna mína:
Skoði hvort Landsvirkjun hafi keypt sér skipulagið
Taka þarf efnislega afstöðu til þess í samgönguráðuneytinu hvort samkomulag Landsvirkjunar við Flóahrepp, um gerð aðalskipulags vegna Urriðafossvirkjunar, standist ákvæði skipulags- og byggingarlaga.

Eins og sést á þessum link, þá virðist búið að taka fréttina út, en textinn sem fylgdi var þessi:

Taka þarf efnislega afstöðu til þess í samgönguráðuneytinu hvort samkomulag Landsvirkjunar við Flóahrepp, um gerð aðalskipulags vegna Urriðafossvirkjunar, standist ákvæði skipulags- og byggingarlaga.

Um hvað var þessi frétt í rauninni? Er á ferðinni rökstuddur grunur um að Landsvirkjun hafi með ólögmætum hætti aflað sér stuðnings við áform um orkuver í Þjórsárvirkjunum eða var þarna á ferðinni eitthvað grín sem óvart datt inn á síðuna?

Hið merkilega minnisblað Seðlabankans

2009-03-23T15:32:00.002Z

Vísir og Mbl.is birta frétt um minnisblaðið sem Davíð Oddsson minntist á i Kastljósviðtali fyrir nokkrum vikum síðan. Mbl.is gerir "betur" en Visir og vísar á PDF skjal af upprunaskjalinu, en fréttin er hér:
Frétt Moggans um minnisblað Seðlabankans frá í feb. 2008
Skjalið sjálft er hér: Minnisblaðið

Það merkilega er að þetta er mynd af skjalinu, skannað í dag. Uppruni einhver Canon skanni. Engin merking er fyrir Seðlabankann, ekkert logo, ekkert vatnsmerki, ekkert.

Hefði ekki verið trúverðugra að sýna með einhverjum hætti fram á uppruna skjalsins? Þetta vekur ýmsar spurningar.

Er þetta kannski ástæðan fyrir því að ekki var tekið mark á skjalinu, að það rataði aldrei formlega inn í skjalakerfi eða skjalavistun Seðlabankans?
Er skjalið úr Seðlabankanum eða er það einhvers staðar annars staðar frá?
Er rétt dagsetning á skjalinu? Það er nefnilega svo augljóslega hægt að skrifa hvað sem er hvenær sem er og setja á það hvaða dagsetningu sem er.
Er einhvers staðar í Seðlabankanum að finna skráningu á skjalinu, þar sem hægt er að staðfesta dagsetningu og höfund skjalsins?

Sem sagt, enn á ný dæmi um lélega blaðamennsku. Þetta segir ekkert og sannar ekkert.

Ég er þar með ekki að segja að skjalið sé falsað eða að það sé rangt sem í því stendur, heldur einfaldlega að þessi frétt og snepill sanna mér ekkert og ég vil sannanir. Tími til kominn.

Vísir bætir við:

Og varla hefur Seðlabankinn sjálfur tekið mikið mark á þessu plaggi sínu því mánuði eftir þessa fundi í London ákvað bankinn að afnema bindiskyldu á erlendum dótturfélögum bankanna. Afleiðingin varð að Icesave gat flætt út úr Bretlandi og yfir í mörg önnur lönd eins og t.d. Holland.

Ef skjalið var kannski ekki til er varla von að Seðlabankinn sjálfur hafi tekið mark á því.

An Urgent Message from David Wilkerson

2009-03-12T09:21:00.001Z

AN URGENT MESSAGE (Click on this link to read)

Sjálfstæðismenn eyða tíma Alþingis

2009-03-09T22:34:00.005Z

Það er ótrúlegt að hlusta á umræður á Alþingi núna. Áðan voru umræður um fundarstjórn forseta, þar sem Sjálfstæðismenn voru að væla út af því að það ætti nú kannski að ræða eitthvað annað mál en forseti var með í gangi. Þetta var eftir langar málalengingar Sjálfstæðismanna um málið sjálft, um Skyldutryggingu lífeyrissjóða o.fl. Og svo héldu umræðurnar áfram og Sigurður Kári fór að tala um menn og málefni sem ekkert varðaði umræðuna.

Hvernig stendur á því að forseti Alþingis getur ekki skipað mönnum að halda sig við efnið? Ef þessir menn vilja ræða undir ákveðnum lið, þá hlýtur það að vera lágmark að þeir sýni sjálfum sér og Alþingi þá virðingu að ræða það málefni.

Sjálfstæðismenn, endilega kjósið svona kjána í efstu sæti í prófkjörum ykkar, þá kýs enginn flokkinn ykkar.

Sennilega er full þörf á að breyta þingsköpum þannig að forseti hafi meira vald til þess að halda umræðum við málefnin sem til umræðu eru.

Óskrifandi íþróttafréttaritarar

2009-03-06T11:02:00.003Z

mbl.is: "Aroni hlakkar til að glíma við Lampard"

Mér hlakkar æsla tilsa fá moggann á moggnanna tilsa geta lesi æsla vel skrifar íhrtafréttir.

Brubeck enn að, 89 ára

2009-02-25T10:17:00.003Z

The Groove Radio á Florida segir frá því að þeir eru styrktaraðilar að konsert Dave Brubecks í Fort Pierce

Vegna breytilegra upplýsinga á The Groove, er rétt að benda líka á þennan tengil:
WGRV The Groove Presents
DAVE BRUBECK
LIVE IN CONCERT
en þar segir reyndar ranglega að hann sé 84 ára. Hann mun vera fæddur 1920, svo að við þurfum að bæta 5 árum við. Brubeck er bókaður fram yfir mitt sumar víða um Bandaríkin og einnig í London og í Torontó í Kanada.

Merkilegt að meðan svo ótalmargir jazzarar hafa látist löngu fyrir aldur fram, þá lifir þessi snillingur í hárri elli og gefur ekkert eftir. En hann hefur reyndar lifað heilbrigðara lífi en flestir jazzarar eins og kunnugt er, enda trúaður kristinn maður, eins og hann hefur oft tekið fram og kemur nokkuð ljóst fram í síðari verkum hans, sjá upplýsingar á heimasíðu Brubecks.

Svona til að skýra tengslin við The Groove, þá fékk ég upplýsingar um þessa útvarpsstöð þegar við Ásta vorum að hlusta á Annie Sellick á Heidi's Jazz Club á Cocoa Beach á Florida, en einn aðalkosturinn við Florida er að þar finnur maður alls staðar einhverja góða jazzstöð í útvarpinu hvenær sem er sólarhringsins. Bara að maður gæti fengið eitthvað í námunda við það hér.

"The other side of Slumdog Millionaire"

2009-02-24T14:09:00.002Z

The other side of Slumdog Millionaire

It seems that the Western world has some issues with the poverty shown in the subject film. I just came across this interesting article by KR Ravi and thought I should share it with you. :-)

Samfylkingarblogg -- verið að vinna í gagnvirkum vef

2009-02-19T13:09:00.003Z

Þeir voru fljótir að svara mér hjá Samfylkingunni og segja mér að það sé:

í gangi vinna við nýjan vef Samfylkingarinnar þar sem hvers kyns gagnvirkni og þátttaka almennra félagsmanna og annarra áhugamanna um stjórnmál verður í fyrirrúmi. Stefnt er að því að sá vefur verði opnaður um aðra helgi.

Ég læt mig bara hlakka til. :-)

Samfylkingarblogg -- eða ekki...

2009-02-19T10:09:00.011Z

Mig hefur oft langað til þess að sjá hvað hinn almenni Samfylkingarmaður hefur að segja í hinum lýðræðislegu og opnu stjórnmálasamtökum, Samfylkingunni. Þarna er þessi hnappur fyrir bloggið:
Bloggið!

En þar er ekkert blogg að finna, aðeins fjölda tengla á fyrirfólk Samfylkingarinnar, ýmist heimasíður eða bloggsíður.

Er þetta leiðin til opinnar umræðu? Gætum við ekki lært eitthvað af unga fólkinu hér?

Geir eykur enn á niðurlægingu sína

2009-02-18T08:53:00.002Z

Geir vildi ná í Brown en fékk ekki samband.

Maður fær það á tilfinninguna að Geir hafi verið því fegnastur þegar Brown reyndist vera upptekinn (kannski var bara á tali?). Hann slapp þá við þetta erfiða símtal. Tölum þá bara við undirmanninn, Darling.

Að maður skuli vera að eyða tíma og kröftum í að blogga um svona mikla niðurlægingu. Maður ætti bara að gera eins og Geir og láta sem ekkert hafi gerst.

Sigurður ruddi

2009-02-18T08:33:00.005Z

Maður getur stundum hlegið að sjálfum sér, hvað maður getur fengið út úr því sem maður skyndiles eða kastar augunum yfir. Ég var að kíkja á iGoogle desktoppinn minn og sá fyrst af öllu þetta: "Sigurður ruddi" og svo eitthvað meira. Upp í hugann kemur með það sama að einhver hafi verið að kalla einhvern Sigurð ónöfnum. En það var víst ekki málið. Þarna var vísun í frétt Mbl (eins og glögglega kemur fram) um að Sigurður heitinn Helgason hafi rutt lággjaldaflugfélögum braut. Sjá: "Sigurður ruddi lággjaldaflugfélögum braut".

Davíð segir "Geltu!" - Davíð og dularfulla bréfið

2009-02-16T23:18:00.002Z

Merkileg framkoma Geirs H. Haarde í dag á Alþingi. Hann er kannski svolítið óvanur venjulegum þingstörfum hafandi verið ráðherra mestalla sína "alþingistíð". En augljóslega kom "leki" úr Seðlabankanum og Geir, eins og aðrir góðir Snatar, gelti eins og til stóð.

Dapurlegt að hann skuli ekki sjá hvernig Davið niðurlægir hann aftur og aftur. :-( Það er hins vegar skiljanlegra með stuttbuxnadrengina Sigurð Kára og Co.

"Jón Baldvin varpaði tímasprengju" - Undarleg skrif

2009-02-16T18:50:00.006Z

Þessi athugasemd mín við blogggrein Björgvins Guðmundssonar er ekki komin inn eftir hálfan dag, þannig að ég birti hana hér:

Sæll Björgvin.

Þú hefðir átt að vera á fundinum. Þetta var ekki tímasprengja. Þetta var sprengja og hún sprakk strax.

Finnst þér virkilega að Ingibjörg hafi staðið sig vel? Ég studdi hana til formennsku í Samfylkingunni, en mér finnst hún hafa brugðist, annað hvort vegna linkindar við Geir eða vegna þess að hún sjálf áttaði sig ekki á alvarleika stöðunnar. Hún er í þeirri stöðu sem formaður að henni er trúað fyrir að gæta hagsmuna okkar, bæði Samfylkingarmanna almennt, kjósenda og landsins alls.

Ég varð þeirrar skoðunar -- reyndar nokkuð seint, finnst mér núna -- eða í lok nóvember sl. að eftirfarandi ættu að segja af sér:

Seðlabankastjórar og bankaráð Seðlabankans;
Forstöðumaður FME og jafnvel stjórn FME, þó svo að Jón Sig hafi setið stutt og sé varla um að kenna;
Forsætisráðherra, fjármálaráðherra, utanríkisráðherra (vegna þess að hún er formaður Samfylkingarinnar) og Viðskiptaráðherra.

Sumir þessara áttu að segja af sér vegna þess að þeir áttu sök á málum beinlínis, en aðrir vegna þess að þeir höfðu sofið á verðinum. Miðað við það sem almenningur veit í dag, þá er það afskaplega dapurlegt að þeir sem höfðu miklu betri aðgang að öllum upplýsingum og hafði verið trúað fyrir hinum hæstu stöðum, skyldu ekki vera vakandi.

Það þarf líka að skapa traust innanlands og utan.

Uppskeran er heldur rýr miðað við þetta. Þú veist sjálfur hverjir hafa sagt af sér og hvejir hafa verið látnir fara og hverjum er verið að reyna að koma frá. Ingibjörg Sólrún á að hafa vit á að segja af sér eða alla vega að tilkynna að hún verði ekki í framboði til formennsku, eða taki sæti á næsta þingi.

Ég er að sjálfsögðu sammála þér að það sé fyrst og fremst Sjálfstæðisfl. og Framsóknarfl. (hinn gamli alla vega), sem bera pólitíska ábyrgð á málum, en hinir bera líka ábyrgð, sem sofna á verðinum.

Sprengjan er sprungin. Jón Baldvin var með lausnina fyrir 14 árum síðan, sem hefði komið í veg fyrir þetta alvarlega ástand. Þjóðin hafnaði honum þá, af því að hún kaus að trúa rógsherferð Sjálfstæðismanna og Framsóknarmanna (og fleiri, jafnvel Samfylkingarmanna).

Jón Baldvin er sá eini reynslubolti í pólitík, sem ég þekki, sem er algerlega frír við að hafa stungist af þessum svfnþorni, sem þjóðin virðist hafa verið stungin af. Hann var líka með lausnina: Inngöngu í ESB.

Ég segi: Jón Baldvin sem formann Samfylkingarinnar. Hann gerir sér grein fyrir stöðunni. Hann mun ekki láta menn komast upp með að sluxa við björgunarstörfin. Hann hefur reynsluna. Hann er eini kosturinn sem ég sé í stöðunni. Áður en hann kastaði þessari sprengju, var ég alvarlega að íhuga Framsóknarflokkinn, hvort endurnýjunin þar væri nægileg til þess að hann gæti komið til greina fyrir vonsvikinn krata.

Með vinsemd.

Böðvar Björgvinsson
krati síðan 1978.

Við þetta má bæta að Jón Baldvin setur stundum fram hluti til þess að fá viðbrögð við þeim eða að koma einhverju öðru af stað, þannig að ekki er svo sem víst að hann meini neitt með því í rauninni að hann ætli í framboð. Hann gæti hins vegar miklu frekar verið að knýja Ingibjörgu Sólrúnu til svara.

Týndir snillingar - Kristín Liljendahl

2009-02-13T12:20:00.003Z

Það er eins og sumir hverfi einfaldlega af yfirborði jarðar eftir að hafa hlotið frægð. Einn slíkra er söngkonan Kristín Liljendahl, sem söng svo eftirminnilega "Ég skal mála allan heiminn, elsku mamma". Hvað varð eiginlega af henni? Mér þætti vænt um svör.

Einnig er spurning um höfunda lags og texta. Upplýsingum á Netinu ber ekki saman, þar sem tveir aðilar segja lagið sænskt (enginn höfundur) og textann eftir Hinrik Bjarnason, en einn að lagið sé eftir Hinrik Bjarnason og textinn eftir Iðunni Steinsdóttur.

Það vantar upplýsingar um svona hluti á heimsnetið. Og hananú!

Mogginn og Micro$oft

2009-01-28T13:03:00.003Z

Finnst ykkur ekki merkilegt að það að einhver ætli að gera eitthvað skuli vera frétt, þegar sá sem aftur hefur náð einhverju stóru markmiði fær svona rétt að fljóta með?

Tækni & vísindi | mbl.is | 27.1.2009 | 12:09
Microsoft ætlar sér stóra hluti í netvafrabaráttunni

Það ætla líka fleiri, svo sem FireFox, Mozilla, Opera o. fl.

Svo er tilvísun í "Heimasíðu Microsoft", sem er í raun tengill inn á beta-útgáfu af IE8. Hann er sem sé rétt kominn í RC1 útgáfu!

Go with the mon(k)ey!

Smyrjaraliðið á Svertingsstöðum komið í gang

2009-01-28T11:17:00.005Z

Það var við því að búast að Sjálfstæðismenn yndu illa því að fá ekki að vera með í ríkisstjórn. Þeim hefur alltaf líkað það illa. Þeir telja að þeir séu sjálfbornir til þess að stjórna landinu. Það þarf að passa svo margar stöður -- lykilstöður. Og nú eru þeir sem sé komnir í gang:

Innlent | Morgunblaðið | 28.1.2009 | 05:30 „Ótrúlega ómerkilegt“ af Samfylkingu Eftir Pétur Blöndal pebl@mbl.is

Ég hef stundum séð gott koma frá Pétri, en stundum fellur hann líka í Heimdallardíkið. Það virðist erfitt að komast upp úr því. Og hann byrjar af krafti. Reyndar svo miklum að það stendur ekki steinn yfir steini í umfjöllun hans, nema þá að þingmenn og ráðherra Sjálfstæðisflokksins séu heyrnarlausir, ólæsir og með öllu dómgreindarlausir -- sem ég vil helst ekki ætla þeim. Lítum á nokkur atriði.

Margt af því sem er á svonefndum aðgerðalista Samfylkingarinnar, sem birtur var í Morgunblaðinu í gær, höfðu sjálfstæðismenn raunar aldrei heyrt um, svo sem að færa niður veðstöðu lána og bæta réttarstöðu skuldara, bjargráðasjóð heimilanna og aðkomu auðmanna.

Öll þessi mál eru búin að vera í umræðunni síðan í haust. Sjálfstæðismenn eru þá að mati Péturs (eða heimildarmanna hans) heyrnarlausir og ólæsir eða jafnvel blindir upp til hópa.

Það sé til marks um að verið sé að slá ryki í augu fólks, að ekki sé á listanum að Samfylkingin hafi krafist þess að fá forsætisráðuneytið, „sem kom á daginn að var algjört aðalatriði og skilyrði fyrir hinu“.

Það hefur komið rækilega fram í fjölmiðlum að Samfylkingin krafðist breytinga í Seðlabankanum og að verkstjórn (orð sem Geir móðgaðist svo mjög yfir) yrði að komast í lag. Fyrst Geir þverskallaðist við þessum sjálfsögðu kröfum, þýddi þetta að það yrði að skipta um í brúnni. Geir og Solla eru bæði veik, sem kunnugt er, og þurfa að komast í smá frí þess vegna og flestir aðrir að fara í kosningaslag, þannig að Samfylkingunni (les: Sollu) kom til hugar að nýta mætti starfskrafta þess þingmanns sem mest þjóðarsátt er um og er að hætta á þingi til þess að stýra skútunni þessa síðustu metra. Hins vegar vitandi um hatur margra sjálfstæðismanna á "heilagri Jóhönnu" og því að þeir líta margir í raun niður á hana fyrir ýmissa hluta sakir, þá get ég svo sem sæst á að Solla hafi þarna kannski vísvitandi sett fram kröfu sem hún vissi að Sjálfstæðismenn myndu aldrei, ALDREI, ganga að. Solla vissi svo sem að það þýddi ekkert að eiga frekar við sjálfstæðismenn.

Í þriðja lagi um „svokallaða tiltekt“ í Seðlabankanum, þar sem Sjálfstæðisflokkurinn hafi fyrir löngu sagst tilbúinn í lagabreytingar, sem gætu leitt til breytinga á yfirstjórn Seðlabankans, en byggðust á tillögum frá erlendum sérfræðingum sem fengnir höfðu verið til að skoða skipulag Fjármálaeftirlitsins og hugsanlega sameiningu þess við Seðlabankann.

Hvað ætlaði Sjálfstæðisflokkurinn sér að hanga á þessu í langan tíma? Hvers vegna voru þessar áætlanir ekki komnar í gegn? Það er neyðarástand í þjóðfélaginu en sjálfstæðismönnum liggur ekkert á. Ekki frekar en alltaf.

Málið er það að sjálfstæðismenn hafa aldrei kunnað að vinna. Þeir hafa hangið á þingi að hætti breskra íhaldsmanna, sem finnst aðallega fínt að vera þarna og þetta er náttúrulega ágætur klúbbur, gott fæði og allt það.

Rifjum upp aðdraganda Viðeyjarstjórnarinnar. Aldrei komu sjálfstæðismenn undirbúnir til viðræðna. Jón Baldvin og Jón Sigurðsson voru alltaf tilbúnir með tillögur og varatillögur, enda varð stjórnarsamningurinn að mestu leyti upp úr stefnuskrá Alþýðuflokksins.

Sömu hluti er maður alltaf að reka sig á. Ég hef komist að þeirri niðurstöðu að sjálfstæðismenn (þingmenn og ráðherrar og aðrir "wannabe's") séu latir, óklárir í stjórnmálum og staðnaðir. Þegar ég segi óklárir í stjórnmálum, þá á ég við málefnavinnu, því að þeir ásamt framsóknarmönnum hafa reynst manna duglegastir við að koma sínum mönnum í lykilstöður í stjórnkerfinu, hlutur sem ætti ekki að meta nema 10% af mikilvægi stjórnmála. Hjá sjálfstæðismönnum virðist þetta vera öfugt: Málefni 10% stöðuveitingar 90%. Þeir minna svolítið á vinnubrögð í Austur-Evrópu: tala, tala, kannski framkvæma einhvern tíma seinna.

Og fjórða atriðið sneri að aðgerðum í þágu heimilanna, sem hefði áreiðanlega samist um.

Nákvæmlega: "...sem hefði áreiðanlega..." kannski og ef til vill. Er ekki neyðarástand í þjóðfélaginu?

Sjálfstæðisflokkurinn bætti við fimmta liðnum, aðgerðum í þágu atvinnulífsins til að sporna við atvinnuleysi.

Halló! Enginn heima? Það var talað um þetta strax í haust og allan tímann síðan! Les Pétur Blöndal ekki einu sinni Moggann?

Sjálfstæðismenn telja fullljóst að ekki hefði þurft að vera ágreiningur um þessi efnislegu atriði, heldur hafi verið settur á svið ágreiningur um forystuna í ríkisstjórninni.

Það var ekki ágreiningur um efnisleg atriði. Það sjá allir! Það var og er ágreiningur um vinnubrögð og þörf á aðgerðum.

Þetta er ein af fyrstu greinunum í mogganum og öðrum fjölmiðlum sem sjálfstæðismenn komast í í súrri baráttur þeirra til að sverta fyrrum samherja sinn og reyna að smyrja og nota smjörklípur. Þetta kunna sjálfstæðismenn manna best. Ég er að vona að þjóðin sjái í gegnum þá í þetta sinn.

Aðferðin er þekkt. Hún heitir FUD á ensku. "Fear, Uncertainty, Doubt" eða "ótti, óvissa, efi. Það er byrjað á að reyna að gera menn óttaslegna, síðan skapa óvissu, sem í framhaldinu veldur efa. Í þessu tilfelli efa um að andstæðingurinn sé að fara með rétt mál, efa um að hann sé hæfur til stjórnarsetu.

Höfum það bara á hreinu: Sjálfstæðisflokkurinn hefur margsannað sig að vera seinn til verka og seinn til hugsana, nema þegar þarf að koma gæðingum fyrir í kerfinu.

Eitt mega sjálfstæðismenn (og reyndar framsóknarmenn líka) eiga. Þeir virða kristni og kirkju í landinu. Þeir mættu samt læra meira af kristindómnum.

Kompásþátturinn lagður niður -- hvers vegna?

2009-01-28T10:55:00.002Z

Í kastljósi RUV í gær kom Kristinn Hrafnsson fram og taldi að Kompásþátturinn hefði verið lagður niður til þess að sleppa við umfjöllun um lánveitingar Kaupþings til viðskiptajöfursins Robert Tchenguiz. Vísir.is bregst hart við í dag (sjá: Gömul frétt í Kastljósi) og kennir um hve dýr þátturinn sé.

Fyrst þessi kompásþáttur var tilbúinn til sýningar og allur kostnaður þegar til kominn, hvers vegna sá Stöð2 ekki ástæðu til þess að setja hann til sýningar? Er það ekki einmitt að henda peningum út um gluggann? Ég hefði haldið það. Og þá kemur spurningin með tvöföldum þunga: Hvers vegna var þátturinn lagður niður? Nákvæmlega þessi háttur á því að leggja þáttinn niður, að birta ekki tilbúinn þátt, vekur eðlilega mjög mikla tortryggni.

Ég hélt að 365 batteríið (hvað sem það heitir í dag og hvað sem það hét áður) hefði eingöngu tengst Glitni. Var það kannski misskilningur? Er eitthvað enn dularfyllra, sem tengist Kaupþingi? Eða áttu einhver samsvarandi viðskipti sér stað við Glitni eða tengd fyrirtæki? Eða er Kristinn Hrafnsson að fara með rangt mál?

Mér finnst allt í einu brýnt að fá svör við þessu.

Til hamingju, Björgvin!

2009-01-25T12:30:00.002Z

mbl.is: Björgvin segir af sér og stjórnendur Fjármálaeftirlitsins hætta

Ég óska Björgvin G. Sigurðssyni til hamingju með þessa stóru ákvörðun. Það er tvöföld ástæða til hamingjuóska í hans garð að honum tókst að setja Framkvæmdastjóra FME af einnig. Varðandi stjórn FME, þá er það einnig skynsemismál að hún sagði af sér í kjölfarið, en einhvern veginn held ég að erfitt verði að manna stöðu Jóns Sigurðssonar. Hann hefur áreiðanlega gert það sem á hans valdi var til þess að bæta ástandið þar á bæ, en ég þekki ekki innviðina nægilega vel til þess að geta metið það. Ég hef á tilfinningunni að stjórn FME hafi í raun afskaplega lítið vald.

Þetta verður vonandi til þess að Árni Matt og seðlabankastjórn og bankaráð Seðlabankans segi af sér einnig. Það verður að ske.

Ef þetta gerist, þá ætti ríkisstjórnin að geta setið til kosninga í apríl eða maí. Vonandi verða þessir atburðir til þess að róa þjóðina ögn og til þess að bæta siðferði í stjórnmálum almennt.

"Íslands ógæfu verður allt að vopni" - veikindi ráðamanna

2009-01-23T13:39:00.002Z

Það á ekki af þjóðinni að ganga. Ekki er nóg með að ein stærsta efnahagsblaðra sem þekkst hefur (hlutfallslega, að sjálfsögðu) hafi sprungið í andlitið á þjóðinni, heldur hafa bæði Ingibjörg Sólrún, formaður Samfylkingarinnar, og nú Geir Haarde, formaður Sjálfstæðisflokksins og forsætisráðherra, orðið fyrir alvarlegum heilsubresti.

Ég, eins og fleiri, hef gagnrýnt þau fyrir að víkja ekki úr starfi, en öll gagnrýni hverfur við svo alvarlegar fréttir af heilsu. Við höfum, mörg í þessu landi, beðið fyrir þjóðinni og ráðamönnum, en biðjum einnig nú fyrir heilsu þessara forystumanna og að þau sem hugsanlega koma í þeirra stað reynist vandanum vaxin.

Er ekkert að marka Geir?

2009-01-20T08:50:00.002Z

Sjónvarpsstöðvarnar sýndu myndir af stoltum sýslumanni á Selfossi, sem var að fara í aðgerðir til þess að handtaka hundruð manna vegna skulda. Vísir segir að fréttin hafi vakið mikil viðbrögð í bloggheimum og skyldi engan furða. Geir og ríkisstjórn hans hafa marglýst því yfir að slá þurfi skjaldborg um heimilin, en - því miður - ríkisstjórnin hefur nánast ekkert gert í þeim efnum annað en það sem "heilög" Jóhanna hefur gert í sínu ráðuneyti.

Geir: aðgerðir strax til varnar fólkinu, eða segðu af þér strax ella. Hættu að ljúga að þjóðinni! Þú þykist vera vel kristinn fyrir kosningar. Lifðu samkvæmt því. Leggur ekki Biblían aðaláherslu hvað þjóðfélagsskipan varðar á vernd þeirra sem minna mega sín? Bannar hún ekki vaxtatöku og vaxtaokur gagnvart eigin þjóð? Farðu nú að lesa þá bók sem þú segist trúa eftir.

Til hamingju, Framsóknarmenn!

2009-01-19T08:58:00.004Z

Enginn getur sagt blygðunarlaust að ég hafi verið hrifinn af mörgu, sem varðar Framsóknarflokkinn, en nú ber nýtt við. Í gær gerðust þau óvæntu tíðindi að Framsóknarmenn hysjuðu ærlega upp um sig brækurnar og kusu raunverulegan endurbótamann sem formann, mann sem virðist laus við þau þungu hagsmunatengsl fyrri ráðamanna í flokknum, sem, þó að þau hafi haldið fjárhagslegu lífi í flokknum og tryggt "sonum" hans stöður, hafa því miður reynst hin skelfilegustu spillingaröfl.

Ég veit að reyndar hefur mörgum Framsóknarmanninum sviðið framganga þeirra lykilmanna og þægð við peninga og völd, og þessi helgi sannar það. Hún segir mér einnig að loks hafi þessir pótintátar migið í fullan dall. Hinn almenni Framsóknarmaður sagði: "hingað og ekki lengra!"

En þetta er líka kannski í fyrsta sinn frá upphafi, sem þeir fá almennilega kost á að kjósa yfir sig mann, sem er (að því er virðist) ósnertur af fyrri pólitískum sóðaskap í Framsóknarflokknum.

Mér fannst reyndar Sigmundur Davíð svolítið linur sem fréttamaður sjónvarps gagnvart stjórnmálamönnum, einkum Sjálfstæðismönnum, og hafði því stimplað hann Sjálfstæðismann. Það kom mér því verulega á óvart þegar ég frétti af því að hann væri orðaður við framboð í sveit Frammara. Sigmundur Davíð átti frábæra endurkomu sem skipulagsfræðingur, eða öllu heldur skipulagshagfræðingur (sem kannski skýrir margt!), inn í umræðuna um skipulagsmál Reykjavíkur o. fl. Ég var svo sammála honum í öllum atriðum nánast. Hér var virkilega á ferð maður sem hafði farið til útlanda með augun opin! Í umræðu hans um stjórnmál síðan hefur mér fundist mikið til hans koma og hefur fundist hann tala eins og sannur krati. Ég er sannfærður um, að ef ekki hefðu komið til ætternistengsl hans við Framsóknarflokkinn, þá hefði hann frekar boðið sig fram fyrir Samfylkinguna eða verið með í nýju (endurnýjuðu) framboði nýkrata (sem ég hef á tilfinningunni að gæti verið að verða til, án þess að ég hafi mikið fyrir mér í því).

Undir stjórn Sigmundar Davíðs ætti Framsóknarflokkurinn að geta orðið fyrsti kostur flokka eins og Samfylkingarinnar að starfa með eftir næstu kosningar, sem vonandi verða fljótlega.

Nánar um kosningu Sigmundar Davíðs má sjá hér: Sigmundur kjörinn formaður

Til hamingju Frammarar.
Til hamingju Sigmundur Davíð!

Jesús eða Múhammeð - hvort viltu?

2008-12-09T13:59:00.003Z

Skúli Skúlason hefur verið að skoða Islam og múslíma. Í grein sinni ABU HAMZA OG ELDPREDIKANIR HANS ber hann saman eitt grundvallaratriði:

,,Sælir eruð þér, þá er menn smána yður. Ofsækja og ljúga á yður öllu illu mín vegna. Verið glaðir og fagnið, því að laun yðar eru mikil á himnum. Þannig ofsóttu þeir spámennina, sem voru á undan yður. Jesús (Matteus 5:11).
,,Og drepið þá hvar sem þér finnið þá og rekið þá út þaðan sem þeir ráku ykkur áður út, því ofsóknir eru verri en slátrun.” (merkir: vantrú er verri en morð). Kóran: 002:191.

Hvorum mundir þú vilja fylgja, Jesú eða Múhammeð?

Eitt ráð: Fáðu þér bæði Biblíuna og Kóraninn og berðu saman kenningar Kóransins og kenningar Jesú.

Sigmundur Ernir: Hvernig væri að hafa raunverulegan áhuga?

2008-12-04T11:34:00.003Z

Vísir slær upp:
Mikil svörun við kvörtunum Sigmundar

Ég er einn þeirra sem ekki eru hissa á að Sigmundur Ernir eigi erfitt með að fá menn í þáttinn hjá sér. Mér hefur alltaf þótt pólitískur áhugi hans af heldur skornum skammti og það sem hann sýnir hrein uppgerð á stundum. Og hann hefur oftsinnis sjálfur talað niðrandi um pólitík almennt og sagst lítinn áhuga hafa á slíkum málum.

Hvernig í ósköpunum geta menn þá búist við að fá alvöru spurningar? Reyndin er sú að hann kemur iðulega með skrifaðar eða undirbúnar spurningar til viðmælenda sinna, en ef svarið býður upp á frekari spurningar, þá er hann ekki betur heima en að hann einfaldlega sleppir slíku.

Maður sem stýrir umræðuþætti þarf að hafa brennandi ástríðu fyrir umræðuefninu, ekki bara því að vera stjarna.

Er að leita að nýrri vinnu

2008-12-02T11:25:00.003Z

Ég bættist fyrir helgina í hóp þeirra sem hafa fengið uppsagnarbréf. Ég er kannski lánsamari en margir aðrir að því leyti að ég er með sex mánaða uppsagnarfrest (í rauninni fimm, en fékk 6). Ég þarf því að setjast niður og vinna mitt CV og koma því til einhverra sem hugsanlega geta bætt við sig einhverjum með mína kunnáttu og getu.

Að vísu er fyrirtækið, sem ég vinn hjá, að vona að það komist yfir erfiða hjallann í febrúar eða mars. Gangi það upp, á ég von á að fá að halda áfram. Ég er hins vegar búinn að vera hjá fyrirtækinu í næstum 13 ¹/₂ ár, þannig að það er kannski kominn tími til að hreyfa sig. Ekki svo að skilja að maður hafi staðnað i starfi hér. Öðru nær. Maður er alltaf að bæta við sig. Og ég hef fengið tækifæri til þess að brydda upp á nýjungum, svo sem að innleiða FrameMaker sem umbrotsforrit og er nú að innleiða breytingakerfi (versioning control) fyrir handbækurnar til þess að auka öryggi við útgáfubreytingar.

Þetta er búinn að vera mjög spennandi tími, og ég vona svo sannarlega að það megi verða svo áfram. En ég er líka tilbúinn að taka til hendinni áð öðrum stöðum.

Ég legg þetta í hendur Guðs eins og aðra hluti og bið hann að leiða mig þangað sem hann vill.

Micro$oft á gömlu gengi -- Open Source áfram á kr. 0,-

2008-11-20T08:48:00.004Z

Morgunblaðið | 20.11.2008 | 08:30

Microsoft tekur stöðu með krónunni

Ég fékk eftirfarandi skeyti gegnum RGLUG (... sem segir allt sem þarf):

from Smári McCarthy
to stjorn@fsfi.is,
rglug
date Wed, Nov 19, 2008 at 10:23 PM
subject Microsoft veitir Íslandi afslátt
-- [efni klippt út úr haus] --
Microsoft hefur ákveðið að öll viðskipti við Íslendinga miðist við að evran kostaði 120 krónur. Það er mun minna en raunverulegt gengi er á markaði. Hjá Seðlabankanum kostar evran um 175 krónur en 215 krónur hjá Seðlabanka Evrópu.

120 króna gengi Microsoft þýðir að vörur frá fyrirtækinu verða talsvert ódýrari en þær hefðu orðið ella. Í tilkynningu frá Microsoft á Íslandi segir að þetta komi sér vel fyrir þúsundir íslenskra fyrirtækja og stofnanna sem eru með fasta leyfissamninga við Microsoft.
http://ruv.is/heim/frettir/frett/store64/item237870/

"Í ljósi hins göfuga útspils Microsoft um að miða verð sín við gamalt gengi á evrunni hefur frjálsi heimurinn ákveðið að halda áfram að gefa hugbúnaðinn sinn frítt eins og hann hefur gert alla tíð. Mun þá nýjasta útgáfa af Ubuntu Linux sem kom út í Október kosta 0 krónur, og sömuleiðis munu Firefox vafrinn og OpenOffice.org skrifstofupakkinn vera fríkeypis áfram."
- Smári

How to replace Notepad in Windows XP [Hacker's Corner!]

2008-11-12T14:26:00.010Z

I have had hard times replacing Notepad and it seems to come back ever so often. Finally (I hope) I found the solution. It is here, both in the initial suggestion and even better in the discussions:
http://weblogs.asp.net/rweigelt/archive/2004/08/12/213085.aspx

The basic thing is to replace notepad.exe wherever it resides, in the C:\WINDOWS subdirectories, mainly, ServicePackFiles\i386\ (which seems to be the main source) and SYSETM32\DLLCACHE\ (hidden file, second main source) and SYSTEM32\. Then, and only then, you can replace the C:\WINDOWS\notepad.exe without fear of it becoming overwritten.

I replaced it with the Crimson editor Notepad replacement (the notepad.exe that comes with the installation). It seems OK, except that when opening, it comes up with a warning:

C:\WINDOWS\ (or C:\WINDOWS\SYSTEM32\) contains an invalid path.

Then it just works.

Sigur Obama - von um betri heim - í bili

2008-11-05T08:54:00.006Z

Guði sé lof! Bandaríkjamenn hafa séð að sér og kosið sér forseta, sem virðist hafa almenna skynsemi til að bera, ásamt því að vera einstaklega vel máli farinn og skýr í framsetningu. Ég bind miklar vonir við Obama og það virðist umheimurinn gera líka, svo sem sjá má t.d. af hækkun á hlutabréfamörkuðum og ummælum víða að.

Guð blessi þennan mann og verndi. Já, ekki er vanþörf á að biðja fyrir honum, því að góðir menn á forsetastóli verða oft fyrir miklu hatri, að maður minnist ekki á tilræðin, sbr. JFK og Abe.

Megi Guð gefa okkur betri tíma, tíma afturhvarfs til hans og fráhvarfs frá græðgi, dómhörku og yfirgangi.

Til hamingju, Bandaríkjamenn!

Eru Sjálfstæðismenn guðlegar verur?

2008-10-30T12:40:00.003Z

Álíta sig hæfa til að rannsaka syni sína

Það er alveg stórfurðulegt hvað siðferðiskröfur og lög ná lítið til Sjálfstæðismanna. Hvernig dettur þessum mönnum í hug að geta verið taldir hæfir til þess að rannsaka mál sem varðar syni þeirra? Ætli Sjálfstæðismenn myndu þegja ef þessum stöðum gegndu Samfylkingarmenn eða Vinstri Grænir?

Ég held vart.

Bréf til www.visir.is

2008-10-29T09:38:00.003Z

To: ritstjorn@visir.is
CC: atligu@365.is
Subject: Kæruleysisleg umfjöllun fréttamanns Vísis.

Ágæta ritstjórn.

Frétt ykkar í dag "Truflaður trúboði og dýraníðingur til höfuðs Obama" virðist rituð af einhverjum undarlegum hvötum, eins og til að nota tækifæri til að kasta rýrð á kristið fólk og kirkjur. Ástæðan fyrir því að ég segi þetta er að eftir að ég las fréttina á visir.is, þá leitaði ég Internetið hátt og lágt, en fann ekkert þessum tilgreindu orðum til staðfestu:

TILVITNUN HEFST:

Byssur og bænahald er helsta áhugamál íbúa í Bells en þar býr ákaflega kirkjurækið fólk sem stundar skotveiði af krafti. Daniel Coward var þó aldrei sagður hafa fundið sig í veiðimennskunni en hins vegar hafi hann rækt tíðir af þeim mun meiri ákefð og varla farið út úr kirkjunni. Meðal annars lagði hann stund á trúboðastarf áður en hann vendaði sínu kvæði í kross og gerðist nýnasisti en honum þótti sjónarmiðum þess hóps ekki gert nægilega hátt undir höfði í Bells.

TILVITNUN LÝKUR

Það sem ég komst næst þessu var blogg á "http://www.majorityrights.com/", tilvitnun í www.telegraph.co.uk, "Barack Obama plotters revealed to be small-town outcasts who met on internet", þar sem segir um þennan hluta málsins:

TILVITNUN HEFST:

Guns and religion are strong in Bells and most men are keen hunters, although Cowart had apparently not been one of them. He was more likely to have been found in church, said neighbours who said Cowart _had once done missionary work for one of them_.

TILVITNUN LÝKUR
(Áhersla innan _ _ er mín).

Er hægt að sjá af þessu að pilturinn hafi "lagt stund á trúboðastarf"?

Um fullyrðinguna "en hins vegar hafi hann rækt tíðir af þeim mun meiri ákefð og varla farið út úr kirkjunni," finn ég ekkert.

Mættum við Íslendingar, jafnvel við sem teljum okkur kristin, biðja um vandaðri umfjöllun.

Fréttin er af mjög alvarlegum atburðum og engan veginn við hæfi að vera með sleggjudóma í tengslum við hana.

Með fyrirfram þakklæti,

Böðvar Björgvinsson
Vegghömrum 45, 112 R.

Viðauki

Eftir nokkur e-mail skeyti erum við Atli (blaðamaðurinn) sammála um að vera ósammála. Hann telur sína túlkun vera rétta m.t.t. að þetta var samið fyrir þátt í morgun á Bylgjunni, sem sé á léttu nótunum og "talmálslegri" en fyrir prentmiðil, og hann sá þetta sem "[frétt] af draumórum tveggja bjána".

Lesendur geta síðan dæmt hver fyrir sig. Ég Googlaði málið og fannst það sem ég sá ekki fyndið heldur sorglegt og sennilega sorgarsaga á bak við piltana tvo.

Er Bretum treystandi fyrir loftrýmisgæslu?

2008-10-28T14:56:00.002Z

Það kemur fyrir að ég sé sammála að hluta því sem VG halda fram (sjá grein í DV: Vg vill að hætt verði við loftrýmisgæslu Breta)

Ég er reyndar ekki endilega sammála því að við eigum að hætta alfarið við loftrýmisgæsluna, en mér finnst í ljósi atburða undanfarinna vikna (Darling Brown og allt það gums) að við eigum alfarið að hafna þessari þjónustu af hálfu Breta. Ég ímynda mér ekki annað en að aðrar þjóði skilji okkar sjónarmið ef við biðjum einhverja aðra (Frakka, Norðmenn, etc) að leysa Breta af.

Kafka's Iceland

2008-10-16T13:16:00.003Z

In the Morgunbladid story Allir eru sekir about Gauti Kristmannsson's Opinion letter in the NY Times, there is a link to his letter called: The Ice Storm.

A recommended reading.

Verkamannafélagið Hryðja

2008-10-16T12:42:00.003Z

Það kom upp góð hugmynd í matartímanum í dag. Bretar eru að beita á okkur hryðjuverkalögum og þá er náttúrulega ómögulegt að vera ekki Hryðjuverkamaður. Auðveldasta leiðin til þess að koma því í kring er að stofna félag, Verkamannafélagið Hryðju og helst að gerast stofnfélagi.

Lífeyrissjóðir í bankarekstri?

2008-10-14T12:10:00.002Z

Nokkrir lífeyrissjóðir eru að reyna að kaupa Kaupþing, innlenda hlutann. Ég á erfitt með að trúa að bankaeftirlit og aðrar stofnanir sem málið kann að varða leyfi þetta. Ástæðan er sú að sem meðlimum í þessum sjóðum er stórum hluta landsmanna stillt upp fyrir þeim valkostum að færa sín viðskipti yfir til Kaupþings og styðja þannig við hlutafjárbindingu lífeyrissjóðanna, eða að vinna gegn sínum lífeyrissparnaði með því að skipta við annnan banka eða sparisjóð. Er það ásættanlegt að veita einum banka slíkt forskot? Hvað með samkeppnina?

Að skíta í nyt sína - Viðtal Egils við Jón Ásgeir

2008-10-14T09:13:00.003Z

Eitt það versta sem komið gat fyrir bændur hér áður fyrr var ef kýr skeit í nytina. Ef hún gerði það ítrekað, var hún einfaldlega slegin af.

Mér fannst þetta vera útkoman hjá Agli Helgasyni í Silfrinu á sunnudag í viðtali hans við Jón Ásgeir. Þáttastjórnandi þarf að geta haft hemil á skapi sínu og vera sæmilega sanngjarn ásamt því að nota góð rök og úthugsaðar spurningar.

„Ég reiddist bara fyrir hönd þjóðarinnar" Þessi yfirlýsing hans er engin afsökun. Egill einfaldlega tapaði þessum slag, því miður. Það er einkennilegt ef Jón Ásgeir er svona sekur um alls konar svindl og svínarí, að færustu menn skuli ekki getað náð honum í net sín. Egill kom með nokkrar áleitnar spurningar, samkvæmt ábendingum sem hann hafði augljóslega fengið einhvers staðar frá, en virtist ekki maður til að fylgja þeim eftir. Annað hvort var undirbúingur hans ekki nógu góður eða að það var einfaldlega ekkert í þessu (no case).

Egill missir sig síðan í skapofsa og skeit þar með í nyt sína. Sem hann hefur því miður gert nokkrum sinnum. Hann er því að missa tiltrú mína. Það er kannski kominn tími til að slá kúna af (Silfur Egils).

Grein Þorsteins Gylfa í Fréttabl. 9. okt 2008

2008-10-09T13:02:00.004Z

Ég vona að ég verði ekki tekinn af lífi fyrir að kvóta þessa grein hér í heilu lagi. En það er svo oft þannig að svona greinar hverfa af netinu eftir ákveðnnn tíma. Hún er hins vegar þess virði að eftir sé munað. Tengillinn er þessi: Versti seðlabankastjórinn (með mynd af Þorsteini). Það er hins vegar kannski svolítið óheppilegt að á vefsíðunni er myndin undir fyrirsögninni. :-/

Fréttablaðið, 09. okt. 2008 06:30
Versti seðlabankastjórinn

Þorvaldur Gylfason skrifar:
Bandaríski hagfræðingurinn Jeffrey Sachs segir stundum söguna af fundi sínum með Viktor Gerasjenkó, þá seðlabankastjóra í Moskvu. Gerasjenkó var flokksjaxl af gamla skólanum, forhertur kommúnisti. Hann hafði aldrei haft fyrir því að kynna sér efnahagsmál eða hagfræði, en hikaði samt ekki við að taka við stjórn Seðlabanka Rússlands.
Þegar ríkisstjórn Jeltsíns forseta bað Sachs að leggja á ráðin um hagstjórn eftir 1991, hlaut Sachs að leggja leið sína í seðlabankann til að reyna að leiða bankastjóranum fyrir sjónir, að of mikil útlánaþensla hlyti að ýfa verðbólguna. Gerasjenkó var á öðru máli og sagði Sachs, að aukin útlán bankakerfisins og peningaprentun myndu þvert á móti draga úr verðbólgu, væri þess gætt að koma lánsfénu í réttar - vinveittar - hendur. Hann átti við ríkisfyrirtækin, sem römbuðu á barmi gjaldþrots, enda var þeim stjórnað af mönnum eins og honum sjálfum. Sachs sat lengi hjá Gerasjenkó og reyndi að miðla honum af reynslu þjóða, sem hafa misst stjórn á útlánum bankakerfisins og peningamagni, en bankastjórinn lét sér ekki segjast. Sachs sagði nokkru síðar af sér sem ráðgjafi ríkisstjórnarinnar og hefur ekki síðan stigið fæti á rússneska grund. Verðbólgan æddi áfram, og seðlabankinn jós olíu á eldinn. Gerasjenkó var rekinn úr bankanum 1994, en hann var ráðinn þangað aftur 1998-2002 (þannig er Rússland). Hann var sagður versti seðlabankastjóri heims og bar nafngiftina með rentu.

Seðlabanki Íslands er í svipuðum vanda staddur. Seðlabankinn lækkaði bindiskyldu bankanna að ósk þeirra og lagði hana síðan frá sér, þótt bindiskyldan sé ásamt stýrivöxtum nauðsynlegt vopn gegn óhóflegri útlánaþenslu við íslenzkar aðstæður. Bankarnir una háum stýrivöxtum, því að þeir geta ávaxtað fé á þeim kjörum í Seðlabankanum. Bankarnir una ekki bindiskyldu, því að hún skerðir útlánagetu þeirra. Seðlabankinn átti að hafa hemil á bönkunum, en lagðist flatur fyrir framan þá. Reynslan sýnir, að stýrivaxtavopn Seðlabankans dugir ekki eitt sér til að hemja útlánavöxt og verðbólgu svo sem vita mátti. Seðlabankinn ber því höfuðábyrgð á útlánaþenslu bankanna, verðbólgunni af hennar völdum og um leið einnig að talsverðu leyti á bankahruninu nú, enda þótt neistinn, sem kveikti bálið, hafi borizt utan úr heimi.
Í annan stað vanrækti Seðlabankinn ítrekaðar aðvaranir um óhóflega skuldasöfnun bankanna og of lítinn gjaldeyrisforða og hafði sjálfur lítið sem ekkert frumkvæði í málinu. Ríkissjóður neyddist því á elleftu stundu til að taka dýr erlend lán til að auka forðann, sem er þó enn allt of lítill miðað við miklar skammtímaskuldir bankanna.
Hefði Seðlabankinn verið vakandi, hefði gjaldeyrisforðanum ekki verið leyft að dragast aftur úr erlendum skammtímaskuldum bankanna, og þá væri Seðlabankinn í stakk búinn að verja gengi krónunnar gegn áhlaupum spákaupmanna. En Seðlabankinn svaf, og gengið hrapaði. Það þýðir ekki fyrir bankastjórn Seðlabankans að stíga nú fram og segjast hafa varað ríkisstjórnina við á einkafundum.
Í þriðja lagi hefur Seðlabankinn vanrækt að leita eftir aðstoð hvort heldur frá Noregi, Danmörku og Svíþjóð eða Alþjóðagjaldeyrissjóðnum, sem er ýmsum tækjum búinn til að taka á vanda sem þessum. Í staðinn hefur bankastjórn Seðlabankans farið með fleipur eins og það, að Sjóðurinn sé til þess að aðstoða gjaldþrota þjóðir, sem er alrangt. Ýmis önnur ógætileg ummæli formanns bankastjórnarinnar hafa aukið vandann. Aðstoð að utan hlyti að vera bundin skilyrðum um bætta hagstjórn, svo sem eðlilegt er og alsiða.

Rússar setja trúlega engin slík skilyrði. Einmitt þar liggur hættan. Tilgangurinn með því að þiggja erlenda aðstoð við aðstæður sem þessar er að endurvekja traust umheimsins með því að þiggja ráð af öðrum. Sé Rússalánið, ef af því verður, engum skilyrðum háð, getur það ekki haft nein áhrif til að endurreisa traust útlendinga á íslenzku efnahagslífi. Þvert á móti hafa ríkisstjórnin og Seðlabankinn kosið að auglýsa það ósannlega fyrir umheiminum, að Ísland njóti einskis trausts lengur meðal gamalla vina og bandamanna.

Seðlabankanum ber að lögum að stuðla að stöðugu verðlagi og virku og öruggu fjármálakerfi. Bankastjórnin veldur hvorugu hlutverkinu. Verðbólga og gengisfall ógna afkomu margra heimila og fyrirtækja. Bankarnir og fjármálakerfið eru í uppnámi. Ríkisstjórnin og Alþingi bera ábyrgð á Seðlabankanum. Bankastjórn Seðlabankans verður að víkja án frekari tafar. Að því tilskyldu verður hægt að hefja endurreisnarstarfið í samvinnu við erlenda sérfræðinga.

Staðfastir menn!

2008-10-08T13:18:00.002Z

Seðlabankinn gefst upp á því að festa gengið - Visir.is

Var ég eitthvað að blaðra um Davíð í síðasta bloggi? Ekki kannski um fálm eða fum. Vita þeir ekkert? Kunna þeir ekkert? Maður hefur á tilfinningunni að allar ákvarðanir Seðlabankans séu meira eða minna rangar.

Hjálp! Getur nokkur aukið mér trú á fjármálayfirvöld á Íslandi?

Ónýtir þjónar

2008-10-08T12:45:00.003Z

Skelfilegt var að heyra sjálfumgleðina í Davíð Oddssyni í Kastljósi í gærkvöldi.

Hann munaði ekkert um að klína hluta af eigin sök varðandi það frumhlaup hans að senda tilkynningu til blaðanna um að Rússar væru búnir að ákveða að lána okkur stórfé. Verulegt glappaskot, sem eingöngu skrifast á DO, á sendiherra Rússa.
DO munaði ekkert um að gera lítið úr ummælum fjármálaráðherra Noregs um lán okkur til handa. "Þetta væri ekki nema 1/8 af þörfinni!"
DO tókst enn fremur að sparka í Seðlabanka Bandaríkjanna og fleiri.

Er maðurinn gjörsamlega veruleikafirrtur og ábyrgðarlaus? DAVÍÐ ODDSSON VERÐUR AÐ VÍKJA ÚR SEÐLABANKANUM OG ÞAÐ STRAX!

Og hvað með alla þá sem áttu að gæta hagsmuna þjóðarinnar gagnvart útþensluglæpamönnum. Ég á við það, ef rétt er að IceSave (og kannski fleiri íslenskir bankar erlendis?) hafi sjálfkrafa skuldbundið þjóðina (Seðlabankann) til þess að ábyrgjast verulega stórar fjárhæðir innlána, svo stórar að Ísland gæti aldrei borgað það, að hvorki Seðlabankinn, Fjármálaráðuneytið eða Fjármálaeftirlitið hafi séð ástæðu til að grípa í taumana. Áttu þessir menn allt í einu ekki að gæta hagsmuna okkar, íbúa þessa lands? DO segist hafa talað yfir ríkisstjórninni fyrir ári síðan. Hvað sagði hann? Hvað segist hann hafa sagt og hvað segja hinir að hann hafi sagt?

Það er komin full ástæða til að menn fari að axla ábyrgð og segja af sér. Jafnvel á þessum erfiðu tímum. Mér sýnist að þessir sömu menn (DO, Árni Matt o.fl.) hafi ekkert lært og séu fremur til trafala nú en gagns.

Það er leitt að þurfa að halda þessu fram, en ég sé mig knúinn til þess. Og flokkurinn minn, Samfylkingin. Hvar stendur hún í þessu máli? Er hún að kóa með þessum kónum?

Tapað/Fundið

2008-10-06T15:23:00.001Z

Íslenska krónan týndist nú um helgina. Finnandi er vinsamlega beðinn að hafa samband við afgreiðslu Bleðlabankans.

Ríkisstjórnin segi af sér (Mig vantar nýja sultaról)

2008-10-02T11:16:00.004Z

Maður er byrjaður að herða sultarólina, en ég óttast að kreppan komi nú það hratt yfir að ólin slitni fljótlega. Vantar því nýja til að eiga á lager. :-(

Ég get annars ekki séð annað út úr fréttum en að Davíð Oddsson og undirokaðir kollegar hans í $eðlabankanum (réttara: Bleðlabankanum) hafi platað ríkisstjórning upp úr skónum varðandi Glitnismálið og verði því að segja af sér. Vonandi ná hluthafar vopnum sínum.

Ég varð sérstaklega fyrir vonbrigðum með Björgvin G. Sigurðsson ráðherra bankamála og Össur Skarp, sem var "stand-in" fyrir Ingibjörgu. Ég hélt að þessir menn hefðu lært að vara sig á Dabba kóngi.

Ég tek það fram að ég hef enga sérstaka samúð með Jóni Ásgeiri eða öðrum stórmógúlum í bransanum, en Dabbi er búinn að vinna þjóðinni meira en ógagn bæði á sínum stjórnmálaferli og nú ekki síður sem Bleðlabankastjóri.

Köld kveðja ríkislögreglustjóra

2008-09-29T09:27:00.002Z

Í þessari grein, Lögreglustjóri kveður (28. Sept. 2008) segir Haraldur Jóhannessen:

Jóhann R. Benediktsson lögreglustjóri lætur af embætti 1. október nk. Óvenjulegt er að lögregluforingi kveðji samstarfsmenn sína til margra ára með stóryrðum og hrakspám eða líki lögreglustarfi við sandkassaleik.
Innan raða lögreglunnar hefur síðastliðin ár verið rætt um stefnur og strauma í löggæslumálum að hvatningu Björns Bjarnasonar dómsmálaráðherra. Skipulagsbreytingar hafa reynt á hæfni og getu yfirmanna og hafa þeir sýnt festu og áræðni til að ná settum markmiðum. Um þetta hefur verið samstaða meðal allra lögreglustjóra. Einn úr hópnum kýs nú að fara aðra leið. Það er hans val.
Ég óska Jóhanni R. Benediktssyni velfarnaðar á nýjum vettvangi, þótt kveðja hans til okkar, sem viljum metnað lögreglu sem mestan, sé ekki lögreglustjóra samboðin.

Ég get ekki séð annað en að Jóhann hafi reynst einn albesti maður lögreglunnar með tilliti til þjónustu við landsmenn -- og ég hefði haldið að lögreglan væri til þess að þjóna landsmönnum en ekki embættismönnum og ráðherrum. Þess vegna harma ég þessa grein Haraldar. Mín tilfinning og skoðun er að einhvers konar annarleg sjónarmið (önnur en að þjóna landsmönnum) búi að baki.

Hefur ekki umdæmi Jóhanns sýnt einstaka fylgni og frábæra vinnu í sambandi við að ná fíkniefnum úr umferð? Unnu þeir ekki þarft verk með að sýna fram á að hluti hælisleitenda hefðu komið á fölskum forsendum? O.s.frv. Ekki hefur þetta embætti orð á sér fyrir leti, spillingu, óvandvirkni eða neitt slíkt.

Amerískt orðatiltæki segir: "If it ain't broke, don't fix it." Betur ef dómsmálaráðherra og ríkislögreglustjóri sæju það.

Ryðsveppur í víðinn

2008-08-25T12:57:00.002Z

Ég uppgötvaði fyrir skömmu að víðirinn í "garðholunni" "minni" er kominn með ryðsvepp. Ég hélt að þetta hefði komið með mold sem ég keypti í Garðheimum, en við nánari skoðun eftir svar frá þeim, sýnist mér að þetta hafi verið í raun sýnilegt frá því snemmsumars, sbr. þessa grein hjá Náttúrufræðistofnun Íslands, en þar segir m. a. (birt án leyfis):

Helsta einkenni ryðsveppa er að þeir framleiða allt að fimm mismunandi gerðir af gróum sem oftast koma fram í ákveðinni tímaröð. Á vorin vaxa litlar gróhirslur er kallast pelar (pycnidia) upp af einkjarna sveppþráðum á efra borði blaðanna en í þeim myndast örsmá pelagró, frjófrumur, sem við samruna þráða af gagnstæðri æxlunargerð mynda tvíkjarnaþræði í blaðinu.

Það gæti verið að þetta væri kuskið á blöðunum, sem ég hélt fyrst að væri blaðlús. Þessi lús át hins vegar ekki neitt...

Auglýsingar utan vega í dreifbýli

2008-08-13T08:35:00.002Z

Nýlega voru fréttir af því í fjölmiðlum að Vegagerðin hefði látið fjarlægja bíla sem báru auglýsingar og höfðu verið skildir eftir nálægt vegum. Vísað var í eftirfarandi grein umhverfislaga:

43. gr. Auglýsingar utan þéttbýlis. Óheimilt er að setja upp auglýsingar meðfram vegum eða annars staðar utan þéttbýlis. Þó er heimilt, að uppfylltum ákvæðum annarra laga, að setja upp látlausar auglýsingar um atvinnurekstur eða þjónustu eða vörur á þeim stað þar sem slík starfsemi eða framleiðsla fer fram. Umhverfisráðherra setur í reglugerð nánari ákvæði um efni greinarinnar og úrskurðar um vafaatriði.

Er það ekki dásamlegt hversu lagasetningin er loðin. Samkvæmt þessu gæti umhverfisráðuneytið (les: Vegagerðin) ákveðið að auglýsingar mættu ekki vera nær vegum en 5 metrar eða 10 kílómetrar. Þeir hafa ákveðið að 30 metrar skuli vera hreint svæði. Það er væntanlega til að fyrirbyggja að afætur eins og veitingastaðir, listamenn, söfn eða fyrirtæki geti bent vegfarendum á að það gæti kannski verið þess virði að stoppa, taka næsta afleggjara o.s.frv. til þess að kynna sér málin og kannski hagnast á því með góðum kaupum eða góðri upplifun.

Vissulega þarf að setja ákveðin öryggismörk og kannski reglur um hæð og aðra stærð skilta, styrkleika og fjarlægð frá vegi. En 30 metrar er allt of mikið. Það er sem sé það svæði hvoru megin við veginn sem Vegagerðin þykist eiga. Enn og aftur má líta til annara landa en Noregs, sem Vegagerðin lítur til í öllum málum. Og meira að segja þar minnir mig að viðmiðin séu ekki svona ströng.

Hins vegar er svo til þess að líta, að of mikið af auglýsingum geta verið veruleg lýti á umhverfinu. En mætti ekki setja ákvörðunarvaldið að meira leyti til sveitarfélaganna? Lítum síðan til annarra landa, þar sem þessir hlutir virðast vera í góðu lagi, svo sem í einstöku ríki Bandaríkjanna (í öðrum ríkjum þeirra eru þessi mál í ólestri), Frakklands, Þýskalands og fleiri landa.

Enn á ný fæ ég það á tilfinninguna að þegar þeir hjá Vegagerðinni (og Umhverfisráðuneytinu) ferðast til útlanda, þá líti þeir ekkert upp úr bjórglasinu. "Hausinn í sandinn". Það er mottóið.

Geta tvívíðir hlutir verið sýnilegir?

2008-08-11T08:40:00.003Z

Ekki veit ég hvaða bullukollur setur saman eða þýðir þessa frétt í Mogganum Vísindamenn segjast skrefi nær hulinshjálmi en ég lærði bæði í gagnfræðaskóla og menntaskóla að tvívíðir hlutir hafi aðeins lengd og breidd og flokkist þannig sem stærðfræðilegt hugtak fremur en hlutur. Þetta eru geómetrískir fletir. Þar sem þriðju víddina vantar (sem allt efni hefur (teningar, kúlur eða önnur regluleg eða óregluleg form), útilokar það að "hluturinn" sjáist. Kannski blaðamaðurinn vilji upplýsa hvenær hann sá tvívíðan hlut síðast.

Paul Simon tónleikarnir í Laugardalshöll

2008-07-02T08:52:00.005Z

Það var næstum troðfullt í Laugardalshöll í gærkvöldi þegar Paul Simon og hljómsveit stigu á svið u.þ.b. korter yfir átta. Á sviðinu voru til reiðu einhverjir 20 gítarar og bassar af ýmsum gerðum, stórt trommusett, stórt "bongótrommusett" eða slagverkssett, ein fjögur hljómborð, flauta sem gæti verið ættuð frá Andesfjöllum, saxófónar af nokkrum gerðum, trompet og fleira.

Palli byrjaði með stuðsmelli, en svo komu ýmis ný og ókunn lög í bland við gamalt og rólegra. Smám saman fór hann yfir í meira af þekktustu lögum sínum og endaði á nokkrum þekktum smellum, m.a. "You Can Call Me Al" og "Diamonds On The Soles Of Her Shoes".

Með karlinum, sem mun vera 67 ára að aldri, voru nokkrir tónlistarmenn sem verið höfðu með honum allt frá því á Graceland plötunni, eftir því sem mér var sagt. Ótrúlega góðir. Svo var einnig um hina.

Hljóðið var þétt og hljóðblöndun nokkuð góð, nema hvað húsið virtist drepa bassaleikinn í ofmögnuðum bassatrommum, alla vega á þeim stað sem ég var, fyrir miðjum vinstri væng, rétt framan við mitt gólf.

Það var hrein unun að taka inn þessa oft flóknu blöndu af textum (skáldið Paul Simon), lögum (lagasmiðurinn Paul Simon) og flóknum takti og útsetningum (heimstónlistarmaðurinn Paul Simon).

Keyrslan var á fullu til kl. 22:20 fyrir utan tvö uppklöppunarhlé, sem greinilega var gert ráð fyrir, því að kynning meðlima hljómsveitarinnar hófst ekki fyrr en rétt fyrir fyrri uppklöppun og lauk einhverjum einu eða tveim lögum fyrir lok tónleikanna.

Tónleikagestir klöppuðu mikið á milli atriða, en tóku samt ekki almennilega við sér fyrr en eftir uppklöppun og sungu fullum hálsi með í "The Boxer". Einkum var áberandi hvað þeir kunnu vel "La-la-la" hluta viðlagsins. ;-)

Frábærir tónleikar.

Takk fyrir, Paul Simon og hljómsveit.

Nú er bara beðið eftir Art Garfunkel. Hann er líka góður en allt öðruvísi.

Mogginn og fréttir úr eigin ranni

2008-05-27T08:51:00.002Z

Ég var að heyra að uppsagnir væru í gangi á Morgunblaðinu, t. d. hefði íþróttafréttastjórinn fengið reisupassann. Það finnst mér svolítið merkilegt, þar sem íþróttafréttir Moggans hafa þótt með þeim áreiðanlegustu í bransanum. Og ef rétt er sem ég heyrði, að ástæða uppsagnarinnar væru fyrirhugaðar breytingar á stefnu í íþróttafréttaritun blaðsins, þá vakna nokkuð margar spurningar.

Ég fór því að kíkja á vef Moggans http://www.mbl.is eftir fréttum um uppsagnir og upplýsingum um ritstjórn blaðsins og hvort þar væru upplýsingar um fréttastjóra einstakra málaflokka. Því er skemmst frá að segja að engar fréttir fann ég um uppsagnir og engar um hverjir væru fréttastjórar málaflokka -- og svo náttúrulega það að Styrmir Gunnarsson er enn ritstjóri Moggans og mbl.is. Ekki miklar breytingar þar á bæ!

Ísland áfram í Júróvisíón -- með tvö lög!

2008-05-23T11:09:00.004Z

Algerlega gegn mínum kenningum, þá komst Ísland upp ur undanriðlinum. Þessi riðill var mjög sterkur að mínu mati og það voru þarna a.m.k. 2-3 lög, sem mér fundust að hefðu átt að komast upp og svo álíka mörg, sem mér fundust að hefðu átt að falla.

Hins vegar var Ísland fyrst í "rásröðinni", sem er sterkt -- EF vel tekst til og lagið er gott -- og performansinn var frábær, þó svo að mér finnist ekki mikið til um lagið.

Og svo komst hitt lagið "Ho, ho, ho..." áfram þó það væri í búningi annarra (Lettland). Reyndar skelfileg tilhugsun að hafa báðar versjónirnar í gangi í sömu keppninni...

Sem sé, eins og Silvía Nótt sagði svo eftirminnilega: "Til hamingju, Ísland" (sleppum því sem á eftir kom).

Vilnius og Trakai heimsókn

2008-05-07T12:41:00.014Z

Útsýni úr Gediminasturni	Við hjónin skruppum til Vilnius um daginn. Flugum út miðvikudaginn 30. apríl og komum aftur á sunnudagskvöld. Í stuttu máli reyndist ferðin frábærlega skemmtileg. Við höfðum pantað þann 4. til 9. maí, en tvö síðustu flug Primera/Heimsferða/TerraNova voru felld niður vegna lítillar þátttöku. Það hefur verið mjög lítil þátttaka, því að hvorki var fullt út né til baka. Við þurftum reyndar að borga aðeins meira, þó að þetta væri deginum styttri ferð, því að slíkur er verðmunur á hótelum í Vilnius á virkum dögum og helgum.
Artis Centrum Hotel	Artis hótel, séð ofan af 4 hæð niður í afgreiðslusalinn (lobbýið)	Við þurftum líka að skipta um hótel, og vorum heppin með það því að Hótel Artis er betur staðsett en Conti, sem er nokkuð utan við Dögunarhlið (Gates of Dawn), sem markar skil gamla og nýja bæjar. Hótelið er við hliðina á Varnarmálaráðuneytinu og ofan við forsetahöllina. Þar fyrir neðan er Dómkirkjutorgið og Gediminasturninn. Sem sé neðarlega í gamla bænum, stutt ofan við ána Neris
Miðvikudagur 30. apríl		Dögunarhliðið
Nei, þetta er ekki skakki turninn í ... Myndin er tekin á 14mm og því kemur fram þessi linsuskekkja. Þetta er Dómkirkjan og turninn.	Komið var á hótelið nokkuð seint um kvöldið, þannig að við þurftum að fara út til þess að finna okkur stað til að borða á. Mjög margir staðir voru að loka, en Double Coffee eru með einn stað niður á Gediminas gatve (Guðmundargötu) þar sem opið er allan sólarhringinn. Þar fengum við ágætis léttan verð og komum okkur síðan heim á hótel. Hótelherbergið var rúmgott og allt í góðu lagi, nema að fjögurra stjörnu hótel virðast ekki bjóða upp á kaffikönnu eða slíkt á herberginu. Minibarinn var hins vegar tiltölulega ódýr og ekkert mál að fá sér vatnsflösku þar.
Fimmtudagur 1. maí
Boðið var upp á gönguferð um gamla bæinn í fylgd leiðsögumanna á fimmtudagsmorgun 1. maí. Það var mjög skemmtileg og fróðleg ganga, því að þarna er gífurlega mikil saga. Húsin eru reyndar flest endurbyggð, en byggingarstíllinn er frá 14. til 19. aldar, jafnvel eitt og eitt hús örlítið yngra. Þarna úir og grúir allt af kirkjum og matsölustöðum og einnig má finna útimarkaði og búðir sem selja gripi úr rafi (amber) og vörur úr hör, bæði fatnað og leikföng.		Mörg falleg hús í gamla bænum frá ýmsum tímabilum
Eftir gönguferðina lögðum við okkur og fórum síðan út að borða. Við fórum niður á indverskan veitingastað neðar í götunni, Sue's Indian Raja (rétt fyrir ofan Klaipeda hótelið) og fengum þar frábæran indverskan mat.
Föstudagur 2. maí
Á föstudeginum var almennur frídagur í Litáen og Póllandi og var því allt krökkt af Pólverjum hvert sem farið var, enda var Litáen og Pólland sameinað í eitt ríki í ca 150 ár og náði ríkið allt til Svartahafs um tíma og var þannig stærsta ríki Evrópu. Þennan dag fórum við í ferð með leiðsögu í Trakai kastalann, sem er nokkuð suðvestan við Vilnius (eða Vilnus eins og heimamenn bera það fram). Þar er mjög fallegt. Mikil kyrrð þrátt fyrir allt fólkið.
Um kvöldið fórum við á Lokys á Stikliu gátve og fengum okkur villigölt, sem var ágætur á bragðið, en nokkuð mikið leður undir tönn. Maður borðar bara hægt.
Laugardagur 3. maí
Við komuna til Vilius tjáði fararstjórinn okkur að vegna ónógrar þátttöku hefði verið fellt niður "Litáska kvöldið", þar sem við áttum að fá að kynnast menningu og matargerð heimamanna. Þar með fór uppbót sem okkur hafði verið lofað þegar við þurftum að taka ákvörðunina um að breyta ferðinni eða að fara ekki. Billeg uppbót! ;-) Við þurftum því að sjá um okkur sjálf. Við fórum um morguninn í KGB safnið og eyddum ca 3 tímum þar. Allmerkilegt safn, einkum fyrir þá sem ekki hafa séð stríðsminjasöfn áður. Þetta virkaði ekki eins sterkt á okkur hjónin eins og Oradour sur Glane.

Yfirgrínari Íslands (með kolsvartan húmor)

2008-04-11T08:54:00.005Z

Davíð Oddsson seðlabankastjóri og yfirgrínari Íslands hættir víst aldrei að atast í okkur landsmönnum. Hann virðist hafa haft það að markmiði allt síðan í Útvarpi Matthildi að hafa landa sína að fíflum. Sem formaður Sjálfstæðisflokksins og forsætisráðherra stóð hann fyrir þeirri tegund kapítalisma, sem velflestir hugsandi menn sáu fyrir að myndi leiða til skammrar uppsveiflu og síðan hrynja. Svo hljóp hann náttúrulega í burtu, rétt áður en hann sjálfur vissi að niðursveiflan væri að hefjast.

Svo fór Davíð í Seðlabankann, svona til að hjálpa til með vaxtaokri og yfirlýsingum um að allt væri á heljarþröm, líkt og kemur fram í fréttum í dag, þar sem hann - í nafni Seðlabankans, og svona rétt til að toppa allt - spáir því að húsnæðisverð muni lækka um "allt að 30% til ársins 2010", og hækkar á sama tíma vexti í heimsmet, 15,5%.

Þessi yfirlýsing er náttúrulega ekkert annað en að Davíð Oddsson, fyrir hönd Seðlabanka Íslands, er að segja að Seðlabankinn hafi gjörsamlega brugðist hlutverki sínu eða hafi engin ráð til að sinna því. Ef hann væri samkvæmur sjálfum sér (og meinti eitthvað með þessum yfirlýsingum) þá myndi hann og stjórn bankans segja af sér öll sem eitt í dag. En því er ekki að heilsa, því að Davíð þarf að grínast með þjóðina áfram á sinn sjúklega hátt.
Er það hlutverk Davíðs Oddssonar sem Seðlabankastjóra að tala niður húsnæðisverð á Íslandi? Er hann kominn í hóp húsnæðisbraskara, sem sjá sér nú hag í að bíða þess að lánveitendur krefjist viðbótarveða eða hirði eignir af fólki fyrir lítið ella, og geta þá keypt á lágu verði?
Hvers vegna er Davíð Oddsson sífellt að grafa undan eftirmanni sínum í stól forsætisráðherra, Geir Hårde?
Er Davíð Oddsson algerlega samviskulaus?
Getur verið að Davíð Oddsson sé ekki að grínast, heldur sé bara heimskur?
Er ekki tími til kominn að minnka áhrif Davíðs Oddssonar og fyrirbyggja þannig frekari hörmungar í efnahagsmálum þjóðarinnar?

Stóráfangi í tölvumálum Íslands!

2008-03-17T13:11:00.002Z

Loksins, loksins, loksins kom að því. Ríkisstjórnin hefur mótað sér stefnu um frjálsan og opinn hugbúnað, þar sem segir m. a. að

þess skuli gætt að gefa frjálsum og opnum hugbúnaði sömu tækifæri og séreignarhugbúnaði þegar tekin er ákvörðun um kaup á nýjum búnaði og ávallt skuli leitast við að gera sem hagstæðust innkaup.

Sjá nánar: Stefna um frjálsan og opinn hugbúnað. Það er aðeins einn hængur á þessu og hann gamalkunnur: hvernig túlka menn "hagstæðust innkaup"? MicroSoft menn eru sérfræðingar í að hagræða hlutunum þannig fyrir hugsanelgum kaupendum að það sé svo erfitt og dýrt og kosti svo mikinn mannskap o.s.frv. til að læra og viðhalda opnum hugbúnaði, að það sé í raun ódýrara að kaupa MicroSoft vöruna. Þetta vita Open Source menn að er argasta BS. En ráðuneytismenn, vita þeir það?

2007 - viðburðaríkt ár

2008-01-02T15:11:00.004Z

Árið 2007 var óvenju viðburðaríkt og blessun Guðs áþreifanleg.
Tvenn brúðkaup barna okkar hjóna, mitt eigið stórafmæli, stórverkefni varðandi umbrot, ein utanlandsferð til London um mánaðarmótin nóv/des.
Þrennir flutningar alls hjá börnunum. Það reyndust enn vera not fyrir jeppann varðandi flutningana.
Miklar annir í vinnunni framan af ári.
Miklar annir við umbrot á Gídeon Nýjatestamentum í sumar og fram á haust. Sumarfríið fór í þetta að mestu.
Spilað í guðsþjónustu í ÍK til vors, en ekki í haust. Wishbass bassinn er virkilega skemmtilegur. Ætli ég tími nokkurn tíma að selja hann?
Fyrirlestur í ÍK í haust.
Tengdapabbi farinn að láta á sjá. Parkinson uppgötvaðist loks í haust, en hann hefur verið að hrjá gamla manninn lengi. Það er gott að geta aðstoðað gömlu hjónin. Þau eru líka svo þakklát fyrir það litla sem maður gerir.
Svo kom Óli mágur í heimsókn frá Danmörku með soninn og vin hans. Þeir dvöldu hjá okkur í 11 daga. Mjög gaman. Töluvert ferðast með þá.
Notaði peningagjöf og aukapening til þess að kaupa hátalarakit frá IPL. Hlakka til að smíða utan um það. Hóf blogg um það á speakerboxes.blogspot.com
Skruppum norður í Ólátagarð á sumardaginn fyrsta. Það var virkilega gaman að hitta alla þar.
Vel heppnuð ferð með starfsmannafélagi á vinnustað konunnar til London um mánaðarmótin nóv.-des. var svo ekki til að skemma fyrir ánægjulegu ári!

Árangur í Erlu máli Óskar

2007-12-28T15:08:00.000Z

Íslenska

Þó að Bandaríska innflytjendaráðuneytið hafi ekki sent afsökunarbeiðni til Erlu Óskar, hafa þó konurnar Ingibjörg Sólrun og sendiherra Bandaríkjanna á Íslandi náð þeim árangri að fá jákvæð viðbrögð frá ráðuneytinu þar sem meðferðin á Erlu Ósk er hörmuð og jafnframt tekið fram að þessir verkferlar verði endurskoðaðir með tilliti til þess hvernig fólk er meðhöndlað í málum sem þessum.

Ég efa að sami árangur hefði náðst með körlum í þessum embættum. Ég held að þeir séu of fastir í kerfinu gamla.

Alla vega, stór áfangi fyrir konur í æðstu embættum.

English -- as written in an e-mail to a friend in the USA

It seems women get these things right. The Cabinet Department in charge, the DoI or Homeland Security -- not sure from the story which -- has said they regret the treatment Ms. Erla Ósk Arnardóttir got and they promise the whole procedure regarding visitors will be reviewed.

Probably the result of how women (Foreign Minister of Iceland and the US Ambassador to Iceland) handle such things. Anyway a very promising news, and almost a Christmas gift to the world -- if not put to sleep somewhere along the way.

Solla stendur sig

2007-12-14T10:50:00.000Z

Ég sé ekki eftir að hafa kosið Ingibjörgu Sólrúnu. Ég efa að annar utanríkisráðherra hefði tekið jafn sköruglega á málum og hún í málefni Erlu Óskar Arnardóttur . Samt gekk hún ekki lengra en svo að útilokað er fyrir Bandaríkjamenn að móðgast eða vera með fyrirslátt. En líka það, hve fljótt hún brást við, var tær snilld, því að það kom í veg fyrir að Bandaríkjamenn gætu undirbúið sig með eitthvað kjaftæði.

Það er reyndar stórundarlegt að þessi þjóð, Bandaríkin, sem, þegar þeim hentaði, kallaði sig vinaþjóð, skuli sýna okkar þegnum -- og reyndar fólki yfirleitt -- slíkan afburðadónaskap. Það virðist vera sem skipulega sé verið að auka mannhatur og mannfyrirlitningu í bandaríska stjórnkerfinu, sbr. mál Arons Pálma Ágústssonar og svo margra fleiri að of langt yrði upp að telja. Kannski sýnir þetta einmitt að Al Qaida liðar unnu með hryðjuverki sínu, 11 sept. 2001, sigur á lýðræðishugsjóninni í Bandaríkjunum. Sorglegt ef rétt er.

Bandaríkjamenn hafa verið duglegir að finna upp eitt og annað. Nú eru þeir í því að finna upp óvini -- með því að búa þá til sjálfir.

Mogginn breytir sögunni

2007-12-11T09:23:00.000Z

Ég er ekki duglegur að lesa alls kyns aukablöð sem detta inn um bréfalúguna, en í óveðrinu í nótt fór ég fram í eldhús og kíkti í blöðin meðan ég fékk mér sopa til að bæta svefnhæfið. Jólablað Moggans, gefið út 1. des., að mér skilst, lá á eldhúsborðinu og ég fór að fletta því. Þá rakst ég á viðtal við leikkonu, sem leikur Maríu Magdalenu í Jesus Christ Superstar. Hrund Hauksdóttir, blaðakonan sem tók viðtalið, hélt því þar fram að María Magdalena hefði verið móðir Jesú. Ég gat ekki séð af viðtalinu að hún hefði sagt hið sama við leikkonuna, heldur virtist mér að þarna væri annað hvort um að kenna fáfræði blaðakonunnar eða að hún og Mogginn, hafi lagst á eitt til að breyta sögunni!

Kannski er líka búið að breyta söguþræðinum í þessari uppfærslu? María Magdalena og móðir Jesú voru sín hvor persónan í söngleiknum síðast þegar ég gáði.

Kannski bara klaufaskapur? Vonandi.

Lundúnir heimsóttar

2007-12-04T15:52:00.000Z

Londonarferð með konunni og starfsfélögum var á dagskrá fimmtudag til sunnudags. Frábær ferð. Vegna tafa á Heathrow þurftum við að hanga í loftinu og á brautinni í samtals um klukkutíma, áður er við fengum "slot".

Við tékkuðum okkur inn á hótel (Hilton Paddington), sem er frábærlega staðsett, innangengt í Heathrow Express og neðanjarðarlestarkerfið. Síðan var farið til TUC og kynntumst við hreyfingunni þar, uppbyggingu samtakanna og fræðsluþættinum. Þeir notast við kennsluumhverfið Moodle, sem er Open Source og ókeypis. Þetta sama kerfi er notað í einhverjum framhaldsskólum hér heima. Og reyndar fann ég það síðan á Debian Linux 4.0 Etch DVD disknum sem ég fékk nýlega með Linux Magazine!

Á föstudagskvöldið var farið á söngleikinn "We Will Rock You", sem er rokksöguævintýri, byggt á lögum og textum "Queen", og spila kapparnir sjálfir undir. Flott sýning og fín kóreógrafía.

Á laugardagskvöld var borðað á MoMo's, marokkóskum veitingastað. Það var hálfgerð sýning líka. Mjög gaman og skemmtilegur matur (dálítið öðruvísi en vel samsettur fyrir bragðlaukana að mínu mati.

Að öðru leyti var tímanum eytt í "skoðunar"- og verslunarferðir, aðallega um Oxford Street og nágrenni. Ýmislegt hafði skolast til í minningunni frá ferð okkar 1984, en síðan höfum við varla komið í þennan hluta borgarinnar.

Eitthvað var verslað, þó kannski minna en við ætluðum, enda úrvalið á neðri hluta Oxfort Street ekki eins gott og í stóru búðunum ofar.

Ég var búinn að panta hluta af hátalarakitti til sendingar á hótelið og stóðst það 100%. Komið upp á herbergi þegar við komum úr bæjarrandinu á hótelið á föstudag. Það virtist mjög fyrirferðarmikið, þar sem svampurinn, sem ég hélt að seljandinn hefði ætlað að senda með annarri sendingu til Íslands, kom með. En hann passaði fínt inn í töskurnar okkar og myndaði gott og mjúkt fóður.

Ferðin var í alla staði skemmtileg, enda ferðafélagarnir ekki af verri endanum. Það var virkilega gaman að kynnast þeim, sumum betur en áður, en öðrum var ég að kynnast í fyrsta sinn.

Við kynntumst neðanjarðarlestarkerfinu (gaman að nota svona löng orð!) allvel í þessari ferð. Það svínvirkar. Bið oftast ekki meiri en 2 mínútur, en þó stundum upp í 8 mín. Það er í góðu lagi. Ég lít svo á að sveitarfélögin á höfuðborgarsvæðinu ættu að koma sér upp úr skotgröfunum og fara að tala saman um almennilegar samgöngubætur. Neðanjarðarlestarkerfi er það eina, sem getur bjargað umferðarmálum á svæðinu. Púntur.

S5TL Dome Transmission Line hátalarar - Kafli 1

2007-11-26T21:18:00.000Z

Ákvörðun hefur verið tekin. Eftir að hafa skoðað vel og vandlega og spurt hina og þessa og Ivan P. Leslie sjálfan, varð niðurstaðan sú að taka ekki S5TL Kefvlar/Ribbon kittið, heldur Dome kittið. Það mun henta betur í okkar stærð af stofu. Kevlar/Ribbon hentar betur í rými sem er 4x6 metrar eða minna. Stofan okkar er aðeins stærri.

Það hefur gengið illa að greiða þetta í gegnum netbanka sparisjóðanna (S24) þar sem eitthvað vandamál virðist vera hjá þeim með tengingu á ýmsum innsláttarboxum við "field" í gagnagrunni. Ég endaði á að fara niður í S24 og láta setja upp viðskiptavininn þar og greiða síðan í gegnum tölvu þar. Og þar sem ég var orðinn svona seinn, þá þurfti ég að taka flýtimeðferð á sendingunni. 800kr. auka þar.

Ég átti í framhaldinu 20 mínútna samtal við tölvugæja hjá tölvuþjónustu sparisjóðanna. Ég ætti að fá endurgreitt, a.m.k. þessar 800 kr. frá S24. Léleg þjónusta hjá banka sem ég hef annars fengið góða þjónustu hjá. Þeir verða að laga þessi mál.

Sabayon eða Debian Linux

2007-11-26T20:45:00.000Z

Ég er áskrifandi að Linux Magazine. Því blaði, sem kemur út mánaðarlega fylgir DVD diskur, sem oftast inniheldur einhverja nýjustu Linux útgáfuna frá einhverjum "samsetningaraðila". Linux og GNU eru jú opinn hugbúnaður og getur hver sem er sett saman heldarpakka að sínum geðþótta. Meðal þeirra sem setja svona saman eru:

Debian
Red Hat
SuSE
Ubuntu
Knoppix
Slackware

svo nokkrir séu nefndir.

Í síðasta blaði fylgdi áhugaverð útgáfa, sem ég hafði ekki séð áður, Sabayon, sem er sett saman af ítölskum aðilum. Hún virtist mjög áhugaverð. En þar sem ég var með Open SuSE 10.2 fyrir, og nokkuð hress með þá útgáfu, þá ákvað ég að nota Open SuSE 10.3 til uppfærslu, svona til öryggis.

Uppfærslan gekk vel, en eftir ca viku og nokkrar öryggisuppfærslur, þá fór útgáfan að koxa, að því er virðist á KDE 4, sem var jú beta útgáfa. Þá ákvað ég að prófa Sabayon.

Sabayon kom á "Live DVD", sem þýðir að hægt er að keyra það sem stýrikerfi beint af DVD disknum án þess að setja það inn á harða diskinn. Þannig virtist það mjög áhugavert, með mikilli og góðri grafik og með alls konar aukahlutum sem sjaldnast koma uppsettir í öðrum útgáfum.

Ég prófaði að setja þetta inn og virtist það ganga vel, en þegar ég endurræsti vélina, þá var bara gamla ræsiforritið úr OpenSuSE 10.3 til staðar og ekki hægt að ræsa Sabayon.

Ég er með nokkuð flókna diskaskiptingu og nota sneiðar af þremur diskum, þar af einum SCSI, til að keyra Linuxinn sem hraðast. Það kom sem sé í ljós að Sabayon forritið og uppsetningarforritið með honum skildu hlutina á misjafnan hátt og nefndu diskana ekki eins. Ég reyndi ýmsar leiðir til þess að fá þessa aðila til að sættast en án árangurs.

Í septemberhefti Linux Magazine fylgdi nýjasta útgáfan af Debian, sem er ein virtasta útgáfan, en hefur verið talin svolítið erfið fyrir meðaljóninn. Meðal nýjunga hins vegar í þessari útgáfu (4.0 ETCH) var bætt uppsetningarforrit. Ég ákvað að prófa.

Og viti menn, uppsetningin rann í gegn og Debian virti allar hefðir varðandi diskanúmeringar og uppraðanir og um miðnætti á föstudagskvöld (byrjaði að skoða þetta um kvöldmatarleytið) byrjaði uppsetningarforritið að setja upp einhverja 600 pakka (forrit). Ég kíkti á það einhvern tíma um nóttina þegar ég vaknaði og þá var þetta allt komið.

Ég hafði ekki möguleika á að setja upp bæði Gnome og KDE desktoppaumhverfin í einu af diskinum -- varð að velja á milli -- svo að ég valdi það sem Debian tengir sig fyrst við (default), Gnome. Ég átti von á að geta sett restina upp af disknum, en Debian vildi ekki viðurkenna það, heldur beindi mér á ftp þjóna á vefnum. Þaðan valdi ég svo eitthvað á 5. hundrað forritapakka í viðbót (KDE forritin flest, LaTeX, Lilypond og eitthvað fleira) og gekk það aldeilis glimrandi.

Niðurstaða:

Ef þú setur Linux inn á einn disk og ert ekki með blöndu af IDE (ATA, SATA o.s.frv.) og SCSI, þá er óhætt að mæla með Sabayon. Örugglega skemmtileg reynsla. Annars mæli ég með Debian. 18.000 forrit tilbúin til uppsetningar og sjálfvirks viðhalds hlýtur að vega þungt.

Á að fá sér nýja hátalara?

2007-11-01T12:08:00.000Z

Enn einn gamall draumur. Það er ekkert smá sem góðir hátalarar kosta. En líklega er ég kominn með lausnina. Mig langar að prófa "Transmission Line" kerfið og byggja það sjálfur. Ég ætla að kaupa eitt kit frá Englandi og láta sníða utan um það hér heima. Meira fljótlega um það.

Gídeon NT komin til landsins

2007-11-01T12:05:00.000Z

Sveinbjörn hringdi í gærkvöldi og sagði mér að testamentin væru komin í hús. Það verður gaman að kíkja á verkið. Sé það á laugardag.

Runólfur kvaddur

2007-10-16T12:05:00.000Z

Það kom þá að því að maður þurfti að kveðja gamla Runólf (Renault Megane). Eftir einhverjar tilraunir til að skipta um eða gera við sjálfskiptinguna á ódýran hátt, þá gáfumst við endanlega upp, enda sitthvað annað farið að gefa sig í gamla skrokknum, og skiluðum honum upp í Vöku miðvikudaginn 10. okt. Greyið hefur verið í biðsal dauðans síðan síðla vetrar, eða um miðjan mars. Jæja, Runólfur var búinn að þjóna okkur vel. Kannski verður hann að steypustyrktarjárni eða einhverju viðlíka í framtíðinni. Boddýið var alla vega gott.

Debetkortin étin

2007-09-17T15:45:00.000Z

Mig vantaði aldrei þessu vant skotsilfur um daginn. Ég fór í hraðbanka og setti debetkort í. Smástund leið og þá kom tilkynning á skjáinn: "Þetta kort er útrunnið." og síðan gerðist ekkert meira. Hraðbankinn át mitt útrunna kort.

Jæja. Það gat víst vel verið. Hafði ég ekki fengið einhverja tilkynningu í sumar um að "á næstunni" yrði gefið út nýtt kort? Þá er bara að prófa annað debetkort. Með semingi setti ég það inn. Það væri varla útrunnið líka? Ef svo, þá væri það hvort eð er einskis virði.

Inn fór kortið. Smástund leið. Tilkynning á skjánum: "Þetta kort er útrunnið."

Tvö kort, tveir bankar, sinn netbankinn á hvorn og engar meldingar hafði ég séð þar til að minna mig á að ég ætti tilbúið kort. Skyldi það kosta bankana mikið að setja inn svoleiðis tilkynningu meðfram öllum hinum tilkynningunum sem mér koma ekkert við -- um tilboð þetta og miða þarna.

Það versta við þetta er að á einhvern undarlegan hátt finnst manni maður hafa verið rændur. Það var sett fyrir mig gildra hér um árið úti í París og veskinu mínu stolið. Það var ótrúleg líðan sem ég upplifði. Ónot, reiði, minnimáttarkennd. Tilfinningarleg viðbrögð við þessu kortaáti hraðbankans hafði einnig ögn af þessari tilfinningu í för með sér, ca 20%, ef ég ætti að reyna að mæla það.

Bankarnir keppast um að vera með ánægðustu kúnnana. Væri ekki ráð að þeir fengju sálfræðinga sína og ímyndarsérfræðinga til að líta aðeins betur á þennan þátt. Nú eða bara auka upplýsingastreymið hvað þetta varðar. Þeir hafa jú netbankana sem við flest kíkjum á a.m.k. einu sinni á mánuði.

Gídeon NT 2007 tilbúið til prentunar

2007-09-14T13:55:00.000Z

Það er stóráfangi í dag.

Í sumar tók ég að mér að brjóta um Nýja testamentið, Sálmana og Orðskviðina fyrir Gídeonfélagið á Íslandi. Ég tók rúmlega hálft sumarfríið í þetta. Því miður fékk ég bara í hendurnar Word fæla, sem voru vistaðir út úr InDesign, þannig að þó að þetta liti tiltölulega vel út (þökk sé InDesign), þá komu ýmsir gallar fram, sem gjarnan leynast í Word skjölum.

Ég byrjaði að brjóta þetta um í "unstructured" eða venjulegu FrameMaker umhverfi. Því miður er FM 7.x ekki með Unicode support og vestræni stuðningurinn strandar á Þorni og Eði. Þetta skapaði aukavinnu varðandi orðskiptingar, en engu að síður lenti ég í óvæntum vandamálum þar sem ég losnaði ekki við formöttunardrauga úr M$ Word. Ég ákvað því að prófa Structured FrameMaker. Þannig losnaði ég við þetta vandamál og um leið vannst það að efnið er betur endurnýtanlegt.

FrameMaker er ekki með venjulegt DropCap heldur setur maður slíka stafi í "Anchored Frame" með sérstökum reglum. Fínt. Ágætt. En, því miður, þegar á endasprettinn var komið, þá kom í ljós, þegar þurfti að jafna línur í síðurammana, þá virkar það ekki á síðum sem hafa Anchored frames. Ég varð því að sleppa þessum möguleika. :-(

Annað vandamál var með dálkajöfnun. Við ákveðnar aðstæður getur komið til að texti feli sig undir botni síðuramma, 1-2 línur. Það er hægt að "forca" það til baka, en alltaf er hætta á að það taki sig upp aftur, þannig að ég sleppti því að balansera dálka þar sem þetta kom fyrir. Í staðinn þurfti ég að "handjafna" með því að stytta viðeigandi síðuramma hæfilega.

Þetta er búið að vera mikil vinna flest kvöld og helgar síðan í sumarfríi, en nú er skjalið loksins komið til prentsmiðjunnar. Guði séu þakkir og lof. Það stendur reyndar ennþá uppá Alþjóðaskrifstofuna varðandi samþykki, og meðal annars þess vegna leyfðum við okkur að taka tíma til að prófa okkur áfram með ýmsa kosti. Ég lærði alla vega mikið á þessu.

Ég hlakka til þegar FrameMaker 8 verður orðinn stabill. Hann er með Unicode support. Ég var meðfram þessu verkefni að betatesta FM8 í 2-3 vikur í sumar. Það var virkilega gaman, en einhver galli hjá Adobe gerði það að verkum að ég (eins og reyndar fleiri) gat ekki notað prufuútgáfuna, sem hægt er að hlaða niður af vef þeirra. Þannig tapaði ég nokkurra daga vinnu, þar sem ég þurfti að endurvinna í FM7.2 mikið af því sem ég var kominn með þar.

En nú er þetta sem sagt búið - ég segi: með Guðs hjálp, því að allt var þetta lagt í hendur hans og honum treyst.

Næsta útgáfutegund ætti að taka skamman tíma.

Blaðið kom í dag!

2007-09-13T12:03:00.000Z

Það er merkilegt með Blaðið. Dreifingu þess hefur heldur farið aftur en hitt, að því er virðist, síðan Moggamenn keyptu það. Nú fáum við það með helgarmogganum, en helst aldrei aðra daga. Maður nennir ekki lengur að hringja út af því að blaðið komi ekki. Það virðist þurfa að hringja á hverjum degi. Það er einfaldlega of mikið. Það sem ég sakna helst við að fá ekki blaðið eru skopteikningarnar, sem eru oft mjög góðar. Ætli mörgum fleirum sé farið eins og mér að nenna ekki lengur að hringja og kvarta undan Blaðleysinu?

Júbílerað á Akureyri

2007-06-26T12:21:00.000Z

40 ára MA stúdentar héldu upp á afmælið með kostum og kynjum á Akureyri 15. - 17. júní sl. Hátíðin heppnaðist mun betur en ég átti von á og endaði ég á að taka þátt í rándýrri hátíðardagskrá júbilanta að kvöldi 16. júní, sem ég hafði ekki ætlað á enda stóð til að vera í fjölskylduboði.

Nokkrir misvel heppnaðir undirbúningsfundir voru haldnir seinni part vetrar og í vor, en aðal undirbúningurinn fór í gang eiginlega eftir síðasta fund. Þar bauðst ég til að taka að mér að gera söngtextablað. Það var mjög gaman því að það gaf mér tækifæri til að prófa mig áfram með ýmis forrit, sem ég hafði ekki prófað að marki áður, svo sem KWord (KDE) í Linux og InDesign í Windoze, sem var það sem varð ofan á í þessu tilfelli, einkum af því að ég fékk betri upplausn í myndir þar og einnig vegna þess að fontarnir, sem ég hafði aðgang að þar, hentuðu betur. Einnig er gaman að rifja upp þessa texta og lög, sem við sungum fullum hálsi fyrir svo mörgum árum síðan.

Ýmsir í "undirbúningsnefnd" forfölluðust af ýmsum ástæðum, og þá tóku einfaldlega aðrir við. Svona á það að vera. Sísa fékk Egil Hreins til að koma með syni sínum, Högna, og spila jazz á hátíðinni 16. Einnig spilaði hann fyrir söng á Söngsal sama dag og hefur aldrei verið betri í því hlutverki. Gaman var einnig að góðir bekkjarfélagar, sem ekki höfðu náð að ljúka prófi með okkur, ýmist vegna of hás rakastigs á ferlinum eða vegna misjafnra skoðana á gildi mætingar í tíma, voru boðaðir og komu.

15. júní

En hátíðin byrjaði sem sé í setustofu MA (já, þeirri gömlu, góðu, þar sem Siguður H. Guðmundsson, síðar prestur í Hafnarfirði, lék djöfulinn í Gullna Hliðinu af slíkri innlifun að jörð öll tók að skjálfa (jarðskjálftinn 1963), og það á réttum stað í textanum!).

Fyrst var spjallað og sungið lítillega, síðan minntist séra Jakob Hjálmarsson látinna skólasystkina, en sjö af 105 manna hópi stúdenta, sem útskrifuðust frá MA 1967 eru nú látnir, þar af tveir síðast liðinn vetur.

Þá flutti Svanur Kristjánsson annál eða minnigabrot og kom víða við. M. a. bar hann saman skólaandann í MA og MR, þar sem hann hafði verið um hríð og lagði áherslu á hversu mikla áherslu skólayfirvöld MA undir Þórarni heitnum Skólameistara (það verður eiginlega að skrifa stóran staf í orðinu skólameistari í hans tilfelli - innsk. mitt) lögðu á að sýna nemendum virðingu, öfugt við MR, þar sem menn væru frekar brotnir niður með niðrandi ummælum kennara o.fl.

Síðan var sungið áfram og einhverjir fleiri tóku til máls. Svo var farið niður í mötuneyti og snæddur léttur kvöldverður, sem hjá einhverjum blandaðist óvart hlaðborði 50 ára júbilanta! Eitthvað var sungið og spjallað áfram eftir matinn, þar til menn fóru til kojs.

16. júní

Söngsalur hafði verið boðaður kl. 13:00 þann 16., en hann tafðist nokkuð, þar sem Valdimar Gunnarsson kennari og samstúdent byrjaði á því að leiða júbílanta um nýja og gamla húsnæði skólans og sýna þeim helstu breytingar, og einnig notuðu menn tækifærið til að rifja upp gamlar minningar, góðar og slæmar, úr gömlu kennslustofunum. En síðan hófst söngsalur og spöruðu júbílantar ekki raddböndin fremur en forðum daga. Að lokum var gengið út í Lystigarð þar sem Elín kynnti okkur sögu garðsins og það starf sem þar á sér stað.

Um kvöldið nutu menn frábærrar dagskrár í "tunnuni" og ágætra veitinga, en aðalhátíðin er alltaf á höndum 25 ára stúdenta. Þeir feðgar Egill og Högni jössuðu feitt. Glæsilegt. Meira að segja skólasöngurinn eftir Pál Ísólfsson kom út sem klassa jazz-stykki. Frábært framlag af hálfu fertugra.

17. júní

Þann 17. var síðan mætt í "tunnuna" aftur þar sem brautskráðir voru 135 nýstúdentar eftir ræðuhöld fulltrúa hinna ýmsu júbílantahópa. Þetta var fyrsti hópurinn sem núverandi skólameistari hefur fylgt frá upphafi, en hann tók við störfum fyrir 4 árum síðan.

Egill afhenti bókagjöf sameiginlega til bókasafns skólans og Amtsbókasafnsins, valdar fræðibækur föður hans Dr. Hreins Benediktssonar um 1500 að tölu, ef ég man rétt.

Í eftirmiðdag bauð skólinn síðan upp á kaffi, en við Ásta tókum okkur upp og lögðum af stað til Skagastrandar -- reyndar með viðkomu í Brynju, svona til að rifja upp ísinn, sem eins og einhver hafði sagt, var allmikið vatnsblandaður. Góður í miklum hita, en ég vil ekta rjómaís (EmmEss). Þegar við vorum komin yfir Moldhaugnahálsinn ákváðum við að snúa við og fara veginn út á Árskógsströnd/Dalvík og fara Lágheiðina og Þverárfjall til Skagastrandar. Dalalæðan var að byrja að sigla inn fjörðinn og ókum við inn í hana rétt áður en við komum í göngin í Ólafsfjarðarmúla.

Góð og vel heppnuð hátíð. Takk fyrir, undirbúningshópur! Ég hlakka til fimmtugsafmælisins.

Alvöru lögreglustörf!

2007-06-14T09:03:00.000Z

Við vorum með næturgesti síðustu daga. Í gærkvöldi fórum við út að ganga með þeim og gengum göngubrúna yfir Grafarvoginn og yfir í Bryggjuhverfið. Sem við erum að ganga niður brekkuna niður að göngustígnum meðfram vognum, rennir lögreglubíll inn að göngustígnum og út stíga tveir stæðilegir. Við förum að velta því fyrir okkur hvaða erindi þeir geti átt þarna. Hafði komið tilkynning um slys eða óhapp, sem þeir þurftu að kanna? Voru þeir að gá að veggjakroti undir Gullinbrú?

Við höldum okkar leið og þeir alltaf nokkuð á undan. Við komum auga á tvo menn í grjótinu sunnan og vestan við brúna, föður og unglingsson, að því er virtist, og var faðirinn með litla stöng og virtist vera að dorga. Hann hafði augljóslega ekki orðið var, alla vega voru engin ummerki um afla, og heldur ekki um beitu. Gott veður og yndislegt fyrir feðga að sitja við straumhart útfallið og bleyta færi.

Okkur til mikillar furðu gengu lögreglumennirnir beint að manninum með veiðistöngina litlu og tóku tal við hann og virtust vera að benda honum á að koma með sér. Allt í einu kviknaði smávegis á perunni hjá mér og ég kallaði til lögreglumannanna:
"Hvað, er bannað að veiða hérna?"

"Já," segir sá sem fyrir þeim virtist fara.

"Bíddu við, þetta er sjór en ekki á," segi ég.

"Það er bannað að veiða hérna og ég er ekki tilbúinn að ræða það frekar!" kallar fyrirliðinn og hleypur í augljósa vörn. Bætir síðan við: "Ég er með pappíra upp á það hér í vasanum."

Það var augljóst að lögreglumennirnir voru ekki hreyknir af verkefninu, sem þeim hafði verið falið. Þeim leið illa.

Ég spurði samt áfram: "Þetta er Grafarvogurinn, ekki einhver Laxá, er það ekki?"

"Það gengur lax hér upp í voginn og það er bannað að veiða þar sem lax gengur upp!" segir hann og er að verða reiður.

"Ég er nú bara að spyrja í forvitni," segi ég og átti allt eins von á að verða áminntur fyrir að trufla lögreglu við skyldustörf, því að þegar menn eru komnir í vörn, gera þeir oft óþarfa hluti.

Við ræddum þetta áfram á göngu okkar og furðuðum okkur á slíkum lögum, sem banna almenningi að dýfa færi við ströndina. Hvers konar veiðifasismi er þetta eiginlega? Hvar stendur í Biblíunni að ekki megi veiða sér til matar -- nú eða skemmtunar? Eru ekki einmitt fiskar sjávarins gefnir okkur til matar samkvæmt þeirri bók? Erum við ekki kristin þjóð? Eru manna lög ofar lögum Guðs? Það vill oft koma í ljós, þegar við mennirnir setjum lög í andstöðu við lög Guðs að þau verða erfið í framkvæmd og ávallt talin óréttlát af flestum. Samt beygjum við okkur undir þau -- flest.

Svo er það sem snýr að lögregluþjónunum sjálfum. Hvernig eiga þeir að geta verið stoltir og keikir við löggæslu, þegar þeir þurfa að framfylgja annari eins lögleysu? Er ekki nóg annað að gera en að tína upp menn sem eru að reyna að ná í einn og einn fisk? Á sama tíma eru tugir eða hundruð ökumanna að setja aðra ökumenn og vegfarendur í hættu með umferðarlagabrotum eins og að aka yfir á rauðu ljósi, hanga í stuðaranum á næsta bíl fyrir framan til að "passa plássið sitt" o.s.frv. og lögreglan gerir EKKERT í þeim málum. Aðeins einstöku sinnum er hún send út til að sitja fyrir mönnum og mæla ökuhraða og sekta þá sem fara yfir ákveðin fráviksmörk.

Hefur lögreglan virkilega ekki eitthvað meira áríðandi að eyða peningum skattborgara í en að tína upp menn með færi niður við sjó?

Samgönguráðstefna fyrir almenning

2007-05-25T15:34:00.000Z

Það er svolítið merkilegt, finnst mér, með allar þessar ráðstefnur og fundi, sem haldnir eru af opinberum aðilum og auglýstir að séu opnir almenningi. Hvenær dagsins ætli þeir séu haldnir?

Mig langaði þessi ósköp á einn slíkan, sem auglýstur var af nokkrum af samgöngustofnunum ríkisins, s.s. flugmálastjórn, vegamálastjóra o.fl. Ókeypis og öllum opinn. Þar átti m. a. að fjalla um fjármögnun samgöngumannvirkja með vegagjöldum (náttúrulega var það Norðmaður, sem var aðal fyrirlesarinn).

Tímasetning: Kl. 15-17 í miðri viku! Er þá ekki þessi sami almenningur í vinnu?

Þeir hefðu kannski átt að auglýsa þetta fyrir vaktavinnufólk frekar. En þá er vandamálið að auglýsingin er birt samdægurs að morgni dags og a.m.k. þriðjungur vaktavinnufólks kominn í svefn.

Er hægt að hugsa sér meiri málamyndagerning en þetta?

Vonandi breytir Stjáni Möller þessu fljótlega.

Nýir strengir

2007-04-30T12:37:00.000Z

Strengirnir sem komu með Wishbass bassanum voru ódýrasta gerð af Dean Markley. Eins og ég sagði í fyrri pistli, dálítill píanóhlómur í þeim. Líklega Super Rounds eða Blue Steel. Hugsanlega eitthvað eldra sem þeir eru hættir að framleiða núna? Ef það er tilfellið þá hef ég alla vega ekki fundið þá tegund á netinu.

Það gekk hálfilla að fá hentuga strengi í bassann. Bandalausum bassa henta best "flatir" (flat wound) strengir, eða eitthvað nærri því. Þetta fannst hvergi lengi vel nema fyrir 4-strengja.

Loks fann ég hjá Tónastöðinni sett af D'Addario Half Round Nickel á kr. 3080. Gott verð. Strengirnir voru frekar mattir, bæði hvað útlit og snertingu varðar (stamir), en einnig í tóni. Smám saman urðu þeir þægilegri að spila á og sæmilega hálir, en ekki fyrr en ég var búinn að úða þá með silikon úða.

Ég var búinn að skoða mikið um bassastrengi á netinu og þrennt vakti áhuga minn, Rotosound, Wyres og LaBella.

Rotosound eru með góðan vef, þar sem eru hljóðdæmi af mismunandi strengjum. Þar sýnist mér að Rotosound 77 henti mér best.

Wyres fundust mér einna mest spennandi vegna umsagna og vegna þess að þeir bjóða upp á teflonhúðaða strengi, sem hljóma eins og óhúðaðir. Sem sé, húðin er extra þunn. Ég hafði samband við þá en þeir töldu sig ekki enn hafa 5-strengja sett sem hentaði mér, þar sem Wishbass er alltaf með þræðingu gegnum búkinn. Þess vegna mega vindingarnir ekki vera of stífir frá kúlu upp að brú, annars er hætta á að þeir slitni fljótt. Þeir sögðust hins vegar vera með þetta á plani hjá sér og væri þeirra að vænta á næstu vikum eða mánuðum.

LaBella höfðu svipuð svör: Deep Talkin' strengirnir væru of þétt undnir fyrir búkþræðingu. Þeir sögðu að ég þyrfti sérhannaða strengi. Þeir hefðu framleitt í tvo eða þrjá áratugi strengi Deep Talkin' Quarter Rounds, sem væru lausundnir og myndu henta. Þeir hefðu hætt framleiðslu á þeim fyrir nokkrum árum, en vegna eftirspurnar væru þeir að fara að framleiða þá aftur. Þeir báðu um nákvæm mál frá kúlu í brú í háls í skrúfu, og ég sendi þeim málin og myndir af bassanum. Þeir bentu mér á að tala við Skúla Sverrisson í New York, sem er einn þeirra sem koma fram á vef þeirra sem meðmælendur. Ég vildi nú samt ekki vera að ónáða svo upptekinn mann, sem ég þekki ekki neitt.

Svo kom að því að þeir framleiddu þessa strengi, en þá höfðu þeir aðeins tíma til að framleiða tvö sett, og þyrfti ég helst að taka bæði. Fullt verð pr. sett væri um USD 100, en þeir buðu mér þá á mun lægra verði plús flutningsgjald.

Og svo komu strengirnir. B-strengurinn var reyndar aðeins of langur, og hafði ég samband við LaBella út af því. Stakk upp á að víxla milli pinna, og báðu þeir mig að skoða hvort það leysti ekki vandann. Svo að ég gerði það.

Ég varð engan veginn fyrir vonbrigðum með sándið. Strax í mínum litla VOX T-60 hljómuðu þeir dýpri, en samt hæfilega bjartir (bjarari en D'Addario Half Round Nickel Wound) og kröftugri en fyrri strengir. Svo prófaði ég þá í GK magnaranum (200/300w) með 2 stk. 4x10 boxum. Mega flott sánd. Það er fínt að keyra þá á öllum stillingum flötum. Ég á síðan eftir að prófa mig áfram til þess að finna út hvaða stillingar henta best mínum kröfum.

Strengirnir eru líka fremur sléttir (næstum flatir) og þægilegir að renna fingrum eftir. Mæli með þeim.

Ég hlakka hins vegar til þegar Wyres kemur með hentuga strengi. Það væri gaman að prófa þá.

Nýi bassinn

2006-12-12T22:15:00.001Z

Jæja! Sá gamli komin með þann gráa? Eða jafnvel verra: "old man's folly"?

Það verður tíminn að leiða í ljós. En sem sé, ég var að fá mér einn þann rosalegasta bassa sem sést hefur "hér á landi á" eins og kántrýkóngurinn orðaði það í hástemdu ljóði. Ég fór að hafa endurnýjaðan áhuga á að prófa að spila á bassa í fyrrahaust. Þessi löngun mín hafði lagst í dvala fyrir mörgum árum síðan, enda enginn til að spila með og bassinn ekki beint tilvalið einleikshljóðfæri. En alltaf hefur hann togað í mig.

Fyrir um ári síðan fór mig að langa aftur til þess að prófa þetta en það var ekki fyrr en sl. vor að ég fór að skoða málið af alvöru. Að lokum talaði ég við Gústa minn, sem er, eins og allir, sem þekkja hann vita: snillingur á bassa og hafði a.m.k. átt bandalausan bassa, sem hann hafði m. a. notað á Narsissu diski. Hann var til í að lána mér bassann. Þetta var Peavy einhver sérútgáfa með tveim aktívum pikkuppum, á margan hátt skemmtilegur bassi, en mér fannst hálsinn full mjór, einkum við hálsinn. Ég náði mér í upplýsingar á netinu og byrjaði að æfa ... og æfa ... og ... ég varð bara ekkert leiður á dæminu. Þetta var bara meira og meira gaman. Ég var búinn að sækja dálítið samkomur hjá Íslensku Kristskirkjunni, og þegar vantaði bassaleikara þar, þá fann ég alltaf fyrir bassanum í höfðinu á mér. Á endanum hafði ég samband við þá og kom í prufu í byrjun okt. 2006 og byrjaði strax að spila sunnudagsmorguninn eftir.

Það gat náttúrulega ekki gengið til lengdar að vera alltaf með láns bassa, svo að ég fór alvarlega að kíkja á bassa. Mér fundust þeir flestir of dýrir eða ekki nógu góðir, sem ég sá í búðunum hér, svo ég skannaði netið, einkum eBay. Fljótlega fór ég að rekast á furðusmíðar sem vökt athygli mína. Þetta voru handsmíðaðir bassar, yfirleitt bandalausir, oftast mjög óvenjulegir í laginu, stundum ljótir, stundum flottir.

Ég ákvað að kanna málið nánar og skoðaði vefinn hjá wishbass.com og annan vef, þar sem Steve Wishnevsky er með sýnishorn af akkústik hljóðfærum, sem hann smíðar. Einnig skoðaði ég umsagnir á Harmony Central, en þær voru undantekningarlítið mjög góðar. Á endanum stóðst ég ekki mátið, þegar ég sá þennan bassa auglýstan á góðu verði (eins og reyndar allt hjá þessum gæja. Það er eihver hugsjón hjá þessum gamla hippa að smíða góð hljóðfæri á góðu verði, helst úr viði frá Bandaríkjunum. Þetta var það sem ég vildi. 5 strengja, 3 áttundir mikið sustain og frábært pickup, Kent Armstrong Humbucker keramískt sápustykki, passíft, en með mikinn kraft og tónvídd. Boddýið er úr padúk viði frá Afríku eða Asíu, tveir helmingar límdir á þynnu úr hlyn, en hálsinn, sem er heill í gegn, er úr rósaviði, mahóný og hlyni. Fingrabrettið er úr rósaviði. Strengirnir ganga gegnum búkinn, og eykur það eigin hljóm bassans mjög. Ég kýldi á bassann og fékk góða tösku fyrir 50 USD með (50% afsl.).

Smá töf varð á sendingu hjá ShopUSA vegna mistaka í vöruhúsi, en annars stóðu þeir sig vel, enginn aukakostnaður þó að þetta færi í flug.

Og svo kom bassinn. Hann virtist stærri en ég hafði reiknað með. Wish hafði þurft að víkka út í töskunni til að koma honum fyrir, og bassinn vó 4,5 kg, en ekki 4.0 eins og hann hafði gefið í skyn ("8 lbs on the old bathroom scale").

Í ágústlok eða septemberbyrjun fékk ég mér Vox T-60 bassamagnara, frábæran til æfinga og fyrir lítil gig. Ég hafði prófað hann á 5-strengja bassa og skilaði hann honum vel. Wishbass bassinn skilaði sér enn betur. Strengirnir reyndar óvenju bjartir, en auðvelt að stilla tónin á 4ra banda tónjafnaranum á magnaranum, sem auk þess er með svokölluðum "bassilator", sem bætir áttund neðar við tóninn. Í Íslensku Kristskirkjunni hljómaði gamli 200w Gallien-Kruger magnarinn allt í einu vel, þegar þessi bassi var kominn við.

Það tók smá tíma að venja sig á svo sveran háls, sem Wish býður uppá, en síðan er hann mjög þægilegur. Og nú er bara að æfa sig...

Ef þetta er "old man's folly" eða grár fiðringur, þá stendur það alla vega enn.

Ég þarf að fá mér betri strengi fljótlega, og einnig góða ól og kannski eitthvað til að hengja bassann upp á.

Ósanngjarnar kröfur múslíma

2006-02-15T09:12:00.000Z

Háværar eru kröfur múslíma þessa dagana um friðhelgi fyrir "guðlasti", sem birst hefur í blöðum í formi teikninga, jafnvel skopteikninga, af Múhameð "spámanni". Jafnframt gera múslímar kröfur til þess að fá að byggja moskur sem víðast á vesturlöndum.

Hvernig væri að skoða hvernig hlutunum er varið í heimalöndum múslíma, þar sem þeir eru í meirihluta og hafa stjórnvaldið.

Leyfa þeir byggingu kristinna kirkna? Óvíða.
Leyfa þeir múslímum, sem það vilja, að gerast kristnir? Nei. Þeir sem vilja verða kristnir eru ofsóttir með ýmsu móti, bæði með því að hafna þeim viðurværis, með fangelsunum og jafnvel með lífláti.
Sýna þeir öðrum trúarbrögðum virðingu? Yfirleitt ekki. Þó eru í Malasíu lög, sem skylda þegnana til að sýna trúarbrögðum hver annars virðingu, og ég held að þau séu almennt virt.

Væri ekki eðlilegt að stjórnvöld á vesturlöndum nýttu tækifærin (þau sem þeir hafa ekki enn glatað) til þess að þrýsta á stjórnvöld múslímaríkja að auka trúfrelsið í þeirra löndum?

Hvað finnst ykkur?

Túskildingsóperan og Þjóðleikhúskjallarinn

2006-02-13T13:14:00.000Z

Konan bauð mér í leikhúsferð á föstudagskvöldið var með vinnustaðnum hennar. Þau langaði að sjá Túskildingsóperuna. Mig hafði ekki langað, en þegar þeir sýndu í sjónvarpi frá sýningunni, virtist hún orðin spennandi, og ég var til. Það átti að byrja á því að fara út að borða og varð Þjóðleikhúskjallarinn fyrir valinu. Ætti ekki að geta klikkað.

Kvöldverðurinn

Það átti að mæta kl. 18:00 þannig að það ætti að gefa þokkalegan tíma til að njóta matarins. Jæja. Súpan var borin fram einhvern tíma eftir kl. 19:00. Þokkaleg. Gulrótarsúpa. Maturinn kom ekki fyrr en um 19:40 og var rétt volgur, borinn fram á köldum diskum, þannig að á örfáum mínútum var maturinn orðinn kaldur. Slæmt, ekki síst vegna þess að ef maturinn hefði verið þokkalega hlýr, hefði hann verið mjög góður. Þjónustan bar auk þess því vott að óvant fólk væri að þjóna til borðs.

Hvað eru þeir menn að hugsa sem reka þennan veitingastað? Vilja þeir ekki viðskipti? Nokkrir gerðu athugasemdir, en engin viðbrögð komu við þeim úr eldhúsinu. Hefðum við ekki verið orðin tímabundin (sýningin átti að hefjast kl. 20:00), þá hefði maður skilað matnum og beðið um heitan.

Túskildingurinn

Sýningin átti að hefjast kl. 20:00, en eitthvað olli því að ekki var byrjað að hleypa inn fyrr en korteri yfir. Allt í lagi svosem með það -- föstudagskvöld og enginn að flýta sér.

Við sátum á 8. bekk, sem er kannski full framarlega fyrir þessa sýningu. Í hljómsveitinni voru valinkunnir hljóðfæraleikarar, en einhvern veginn hljómaði flutningurinn groddalega -- líkt og í lélegri lúðrasveit á 7. áratugnum. Reyndar engar falskar nótur. Sýningin byrjaði glæsilega með liprum söng og líkamshreyfingum (les=dansi) Selmu Björnsdóttur og lofaði góðu um framhaldið. Því miður var ekki staðið við það loforð. Um það er engan veginn leikurum um að kenna. Þeir stóðu sig með stakri prýði. Einkum Egill Ólafsson og Ólafía Hrönn, sem oft er mistæk, en ekki hér.

Ekki veit ég hvort Stefán Jónsson á þessa leikgerð, en hún er gjörsamlega misheppnuð. Sagan, sem er væntanlega það sem ber uppi leikrit, týndist gjörsamlegq í alls konar sniðugum uppákomum og uppátækjum. Sömuleiðis mórallinn. Hvað átti verkið að færa okkur dauðlegum leikhúsgestum? Maður gat engan veginn séð tilganginn með helmingnum af þessari akróbatik auglýsingum o.s.frv., kannski vegna þess að það var of mikið af þeim og þessir hlutir voru ekki settir inn í neitt samhengi.

Ég velti því einfaldlega fyrir mér hvort leikhúsfólk (leikarar, leikstjórar etc) sé orðið leitt á sjálfu sér.

Túskildingsóperan er ekkert stórvirki í leiklistarsögunni, tónlistin einkennist af þeirri tónlistarþreytu, sem einkenndi svo margt fram eftir síðustu öld. En verkið varð ennþá minna í þessum búningi.

Ég er reynslunni ríkari og reyni væntanlega næst að vanda betur til vals á því sem ég kaupi mig inn á.

The Origin of Christmas

2005-12-22T14:38:00.000Z

Do you know why Christmas is held on Dec 25th? It is known but not much spoken of.

It was not that anyone originally believed that Jesus was born on that day or any time near that day. The birth date of Jesus had nothing to do with it. In short it was something like this (you find more about the heathen origin googling Christmas Origin):

In the first centuries of Christianity the Romans often persecuted the Christians (and the Jews). They were jailed, tortured, thrown before the lions in the arena, thrown before gladiators etc. The persecution was so hard that Christians finally had to go under ground, even to the Catacombs, to pray and have their services, and some even had to stay down there.

The Romans held the feast of the Sun which they belived was born anew on Dec 25th. This was a heathen feast with a lot of drinking and orgy. At this feast the law enforcement was down, as everyone was feasting for the rising Sun (god) and getting drunk. The Christians found out that they could disguise their services in the homes or in the open by holding these at the feasting days of the rising of the Sun. In the eyes of the Christians, Jesus was their spiritual sun, so there was not a big problems for them to say that they were feasting the rebirth of the Sun. They were used to allegories.

So, the feast of the rising Sun gradually became the feast of the birth of Jesus for the Christians. And in time it stuck so that when Christianity was made the public religion, the feast of the rising of the Sun was officially changed to Mass of the birth of Christ, or Christmas.

Souldn't we today think more of the suffering of Christians all over the world when we know how Christmas came about?

Merry Christmas -- or, rather, reverent Christmas.

Denon PMA 1500R MKII og tækjasaga mín.

2005-05-11T20:37:00.000Z

Jæja, þá lét ég loks verða af því, sem mig hefur langað í í nokkra áratugi! Að fá mér vandaðan hágæða stereómagnara.

Gamli tíminn

Ætli það hafi ekki verið haustið 1969 eða 1970, sem ég keypti mér útvarpsmagnara, Tandberg Huldra 10, sem skilaði 2x15w í 4 óma hátalara. Hann var frábær og entist nokkuð vel. Hafði hins vegar þann "galla" að vera með silfurtengi og snertur. Það skilar náttúrulega mjög góðu þar sem ekki er loftmengun af völdum hitaveitu eða annarra umhverfisvalda, sem skila brennisteinsdíoxíði (eggjafýlu) út í umhverfið. Eins og allir vita, þá fellur fljótt á silfur á íslenskum hitaveitusvæðum, en það er brennisteinsdíoxíðið, sem hefur þessi tærandi áhrif á silfrið.

Ég fékk mér Peerless 2-way hátalara "kit" hjá útvarpsvirkja í Skipholtinu, sem voru gefin upp fyrir 35w. Það samanstóð af 8" bassahátalara og 1" hátónahátalara af "dome" gerð. Hljóðkúrfan var mjög góð og miðað við a.m.m. 25-30 lítra boxin, sem þeir áttu að fara vel í, áttu þeir að skila +/-6db frá 45-20.000Hz. Eða hvort það var bara -6db.
Ég setti þá í um það bil helmingi stærri box og hljóðeinangraði þau vel og bólstraði utan. Hljómurinn var fínn, betri en í helmingi dýrari hátölurum, t.d. þar sem ég var síðar að vinna, í Gelli hf í Hafnarstræti 17.

Á þeim tíma fékk ég mér þennan rándýra og ekkert rosalega flotta en ótrúlega góða Empire spilara með 4ra rása pickupi, sem virkaði í venjulegu stereói með tíðnisvið nánast flatt frá 5-45.000Hz. Það var gífurlegur munur á hljóði og á gamla Lenco spilaranum, sem þó var ágætur.

Þegar Huldran dó, fyrir um 5 eða 6 árum síðan, eða um þrítugsaldurinn, þá var ég illa blankur, en áskotnaðist þokkalegur Yamaha útvarpsmagnari, eitthvað um 5-10 árum yngri (hef ekki leitað staðfestingar á aldrinum). Hann var kraftmeiri, ca 2x50w en hljómaði samt ekki eins vel og Huldran í þessa hátalara.

Og svo kom að því að Yamaha magnarinn fór að surga á ýmsum rofum -- reyndar flestum. Rásir duttu eða hálfduttu út o.s.frv. Ég var einu sinni búinn að taka hann í gegn og hreinsa tengi, en nú var þetta orðið verra en áður. Og ég var nánast hættur að setja plötu á fóninn -- eða disk í geislaspilarann.

Hátalarnir -- stoltið mitt -- sem ég smíðaði sjálfur! féllu smám saman í ónáð hjá konunni. Hún fór að spyrja hvort við gætum ekki farið að skipta um og fá eitthvað eins og fólk væri með. Ég náttúrulega svaraði og reyndi að dylja sært stoltið, að fólk væri ekki með góða hátalara almennt. Góðir hátalara væru afskaplega dýrir.

Ég kanna málið

Ég fór að líta í kringum mig í haust, fyrst á netinu og lítils háttar um jólaleitið í búðum. Verð á hátölurum, sem hljómuðu betur en mínir (og þá reyndar í miklu flottari græjum), kostuðu kringum 90 þúsund kallinn parið og yfir. Besta testið fyrir peninginn virtist vera Infinity 40 í Sjónvarpsbúðinni í Síðumúla 2, en mér fannst aðeins vanta upp á dýpsta bassann. Það er svolítið erfitt að segja hverju er um að kenna, hátölurum, magnara eða spilaranum. Hljómsýn í Ármúlanum var líka með flotta hátalara, en dýrari.

Ég gerði tilraun til að kaupa hátalara á netinu. Súper díl hjá amerískri netverslun, sem virtist bjóða upp á að ég gæti keypt gegnum PayPal og látið senda með ShopUSA.com. Þetta voru ótrúlega flottir Infinity Kappa 600, sem þarna voru á rýmingarsölu á hálfvirði, eða um 65% af lægstu verðum, sem ég hafði séð annars staðar. Þeir skiluðu 30-25.000Hz tíðnisviðinu með aðeins -3dB fráviki og voru lokaðir (ekki bass reflex eða transmission line) og því engin truflun af baksveiflum sem koma úr reflextúbum á reflex hátalaraboxum. Ég hlakkaði mikið til að heyra í þeim.
En þegar ég var búinn að ganga frá greiðslunni gegnum PayPal, þá gerðist ekkert og greiðslan virtist ekki fara. Ég kannaði málið og fékk þá að vita að þeir tækju ekki greiðslu frá PayPal, sem kæmi utan Bandaríkjanna! Ástæðan? Enhverjum hafði einhvern tíma tekist að svindla á einhverjum gegnum PayPal! Mér finnst að það ætti að vera vandamál PayPal, ekki mitt.
En sem sé þetta gekk ekki.

Ég var líka búinn að kanna svokallaða "transmission line" hátalara og búinn að finna hátalarakit, sem framleidd eru í UK og kosta um 56.000 kr. ExWorks með öllu. Greinilega frábærir, og ég ákvað að bíða sumars -- við erum að kaupa íbúð og verður gengið frá í sumar, og því skynsamlegast að bíða og sjá hvað buddan leyfir þá. Með flutningskostnaði, tollum og VSK, má reikna með að þeir fari í 90.000 kr.

Ég skoðaði líka magnara af ýmsu tæi á þessum tíma, því að ég þóttist vita að til þess að keyra svona mikla hátalara væri betra að hafa þokkalega öfluga og vandaða magnara. Á endanum tók ég ákvörðun að setja stefnuna á Denon PMA 1500R MKII, sem skilar 2x140w m/v 0.7% THD (harmónísk bjögun alls) við 1000Hz í 4Ω eða 2X75w m/v 0.07% á tíðnisviðinu 20-20.000Hz í 8Ω. Og verðið aðeins kr. 67.000.

Ég fékk að hlusta þessa magnara hjá Einari Farestveit í Canton hátölurum, sem mér fundust reyndar lélegir, þrátt fyrir hátt verð. Diskantinn sár -- minnti á JBL og álíka eyrnabana. Ég hef aldrein heyrt þokkalega hljómandi JBL hátalara, hvorki í bíltækjum, stereógræjum eða bíó. En ég heyrði strax að Denon magnarinn var geysiþéttur og jafn.

Ég læt verða af því

Sem sé, hættur að spila og búinn að afskrifa hlutina til síðsumars. Þá bilaði sjónvarpið. --Eins og það komi þessu eitthvað við? Já, reyndar. ITT 28" sjónvarpstækið var orðið nær 18 ára gamalt og ég var farinn að halda að það myndi ekki gefast upp. Aðeins farið tvisvar í smáviðgerð. En allt í einu fór einn liturinn. Túban ónýt.

Þá var að fara og kíkja á sjónvarpstæki. Og hvar ætli maður hafi endað eftir allgóða yfirferð á Höfuðborgarsvæðinu? Á Akranesi. Í Model á Akranesi fundum við gott 32" tæki með flatskjá á sértilboði á 84.900 kr. Þar var einnig tilboð á sambyggðu DVD/Vídeótæki á 19.900. Þegar ég bar mig upp við Guðna Tryggvason, eiganda Models, hvort hann væri ekki með hágæða magnara og sagði að ég hefði verið að kíkja á Denon, þá sagði hann, að það væri ekkert mál, hann ætti í viðskiptum við Einar Farestveit og það væri ekkert mál að fá magnarann.

Guðni lánaði okkur sjónvarpið og vídeóið heim til prufu yfir helgi og það þurfti ekki nema sólarhringinn til að sannfærast um að þetta væru tækin, sem við þyrftum. Svo kom magnarinn á miðvikudegi og hófst ég handa við að tengja.

Prófunin á PMA 1500R MKII

Magnarinn var tengdur við áðurnefnda Peerless hátalara, Empire plötuspilarann og JVC geislaspilarann, sem ég keypti á tilboði um árið í Frakklandi (Boulogne Sur Mère). Ég prófaði nokkra geisladiska af ýmissi tegund og þeir hljómuðu betur en nokkru sinni. Nýi diskurinn með Art Garfunkel, sem ég keypti í Kuala Lumpur í nóvember, var frábær, o.s.frv. En ég trúði vart mínum eigin eyrum, þegar ég spilaði Chess af vinýlplötunum. Hljómurinn var svo ótrúlega þéttur og tær allt frá 30Hz, sem eru það lægsta sem ég hef mælt þessa hátalara, og upp úr. Mér fannst þeir jafnvel ná ennþá neðar, en það get ég ekki sannað fyrr en ég næ mér í prufudisk. Stereógreiningin var einnig margfalt betri en ég hafði áður upplifað burtséð frá því þegar ég heyrði í Polk risunum í Faco á Laugaveginum fyrir allmörgum árum síðan.

Stofan hefur alltaf gleypt bassann svolítið, og það var ennþá svo, en samt er það sjaldan að ég þurfi að nýta mér þau extra +8dB við 100 riðin, sem magnarinn býður upp á. Oftast get ég keyrt hann flatan, jafnvel á mjög lágum styrk. og á mjög lágum styrk, (ég ímynda mér 10-15w á rás eða jafnvel lægra), greina öll hljóðfæri og söngvarar sig. Ég heyri hluti á pötum og diskum, sem aldrei hafa komið fram áður í mínum tækjum. Allur sunginn texti verður skýr. Tilfinningin sem ég hef er að ég fái nákvæmlega það út, sem sett var inn á plöturnar og diskana. Það er varla hægt að biðja um meira.

Ég prófaði einnig 2. Píanókonsert Rachmaninofs með Dimitri Sgouros af vinýl, og ég hef aldrei heyrt hann betri og aldrei komist af með að hafa hann lægra stilltan til þess að njóta hans að fullu! Það eru einkenni á góðum græjum.

Ég hafði séð test á þessum magnara við ýmsa hátalara, gerða af prófessjónal fólki og neytendum, og voru sumir að agnúast út í að það vantaði bassa, hann hentaði ekki fyrir rokk o.s.frv. Ég segi: ef það var raunin, þá er lausnarinnar að leita annars staðar en í magnaranum. Fyrir 67.000 kr. er hann fullkominn.

Takk Denon, takk Einar Farestveit og takk Guðni í Model.

Ég held ég slái hátalarakaupum á frest.

PayPal verified

2004-09-12T19:15:00.000Z

In order to be able to buy from an Aussie company on Ebay, I had to get verified. I had hesitated for months, but it was easy and a nobrainer. Always learning a little more each time...

More on Powerline to Ethernet Bridge

2004-09-12T18:01:00.000Z

ENGLISH

My testings went on from my posting in May, and I found out that I could not use this equipment the way I intended as in my town the electricity is 3-phase 380V to ground (200V x 3 phases) and each floor uses different phase. Not the way it should be, really and the P2EB MUST be on the same phase to work. And I have tested it to work successfully on same floor (same phase).

ÍSLENSKA

Ég gerði ítarlegar prófanir á þessu Powerline to Ethernet Bridge (brú) og fann út úr því að brýrnar verða að keyra á sama fasa til þess að tengjast. Víða á Íslandi eru 380V í þrem fösum í jörð (nettó 220-240V), en sums staðar er sinn fasinn notaður á hverja hæð eða hverja íbúð. Það er þannig hjá mér að sinn fasinn er á hverri hæð og því get ég ekki tengt á milli hæða eins og ég ætlaði. En ég reikna með að fara að flytja, þannig að ég er ekkert að láta gera í þessu.

Powerline to Ethernet Bridge

2004-09-11T14:57:00.000Z

Hi World (and myself!) ;-)
This is an updated post since May. In the beginning of May I bougth myself a pair of Planet PL-101E Powerline to Ethernet Bridges, which makes it possible for me to access my ADSL modem upstairs from downstairs without any additional plugging. These came cheap and cost only one third of the price of a Wireless system.
The problem is, however, that my Clevo Laptop seems not able to connect properly to this bridge. All the lights show but I am not able to set the password and get a message that says that no bridge is found (or something like that).
No help on the internet (browsing and browsing), so this seems not a problem related to the bridge. Now I have to check the network settings of the laptop, I think, and see whether I get any solotions from there. Maybe a wrong IP physically on the NIC?
Intellon is going OpenSource with the drivers/utilities for their chipset. Here is a posting I came across on SourceForge (http://sourceforge.net/people/viewjob.php?group_id=101914&job_id=18131):

HomePlug Powerline Driver writer and porter Designated Contact: jamesmentz Status: Open Open Date: 2004-03-24 07:35 For Project: PowerPacket USB Driver and Config Utiliy Long Description: Intellon's HomePlug software has gone open source. Intellon is the chipset provider for over 95% of the HomePlug products on the market. HomePlug makes every electrical outlet in your home act like a port on one giant 10BaseT switch-hub. A commercial explanation of these products is at: http://www.netgear.com/products/details/XE102.php?view=hm We want to give the world a Linux USB driver and Network/Security Configuration Utility. We opened the Windows source for porting and our IC's Technical Reference Manual (better than the datasheet) if you want to start from scratch. I am the Applications Engineer that convinced the company that an open project was at least as good as our scheduled-for-summer-completion in-house closed development project. So far I've been wrong. We shared our secret sauce recipe with the world and nothing happened. I am looking for a few good developers to show the world that they can do something with this code. The output will get high visibility with HomePlug member companies - major consumer electronics makers. As a sourceforge newbie I don't want to toe the line for commercial opportunities, but I can certainly chuck some free HomePlug adapters to *select* individuals who convince me that they are willing and capable of driving this effort with me. In addition to starting the empty shell of a SoureForge project, I have placed the package on our web site at: http://www.intellon.com/support/Intellon_Linux_Release_Package.zip and posted an app note about it at: http://www.intellon.com/support/Intellon_Linux_App_Note_26002465.pdf thanks, James.Mentz@intellon.com Required Skills: Skill 7110 Networking Level Competent Experience 2 yr - 5 yr
Now, you able guys, it is only to sign up and help.
More later. Böðvar

Meira um Ebay og PayPal

2004-09-09T23:05:00.000Z

Engin vonbrigði hér. Vörurnar skila sér. Ég lærði hins vegar að það er betra að skrá sig sem "verified" PayPal notanda. Greiðslur ganga þá gjarnan hraðar fyrir sig og sumir versla alls ekki við þá sem ekki eru "verified". Gallinn við að taka þetta heim frá Bandaríkjunum er að það þarf yfirleitt að nota þriðja aðila til að sjá um að koma hlutunum heim. Hér er komin þjónusta við slíkt -- ShopUSA -- og er það gott, nema hvað þjónustan er nokkuð dýr. Ég þurfti að borga meira í þjónustu og aðflutningsgjöld hjá ShopUSA en ég greiddi fyrir sjálfar vörurnar að viðbættum flutningskostnaði til Norfolk!
Það virðist líka betra að versla við Ástralíubúa en Kanana. Kanarnir virðast vera í eins konar fangelsi og eiga í erfiðleikum með að senda vörur úr landi. Fyrir Áströlum er útflutningur ekkert mál. Náði mér þar (í gegnum Ebay) í SCSI controller á um 7000 kr., sem kostar hér um 30.000 kr. út úr búð. Ekki slæmt.

Hættur í Hvalfjarðargöngum

2004-09-04T13:31:00.000Z

Gönging komu...en

Ég er búinn að keyra þessi göng frá því áður en þau voru opnuð. Tilhlökkunin var mikil að geta ekið daglega í vinnuna fyrir sunnan, því að verðið átti að verða viðráðanlegt. Því miður brást það og er gangagjaldið því skattur á ferðalanga, einkum þá sem mest þurfa á þeim að halda, Akurnesinga og nágranna þeirra.

En það var ekki þetta sem ég ætlaði að ræða um, heldur það sem ég uppgötvaði fljótt, en hef beðið eftir að skrifað yrði um: hætturnar í göngunum. Þar sem ég hef enn ekki orðið var við vitlegar umræður um hættur ganganna og mögulegar úrbætur, þá tel ég að rétt sé að setja fram mínar skoðanir á málinu.

Hættur ganganna

Þegar ekið er erlendis, sér maður að hlutir eru með ýmsum hætti. Göng líka. Sums staðar eru þau dimm og þröng (einkum í Noregi), en annars staðar björt, breið og þægileg að aka um. Ég hef ekið um göng í Noregi, Svíþjóð, Danmörku, Þýskalandi, Belgíu, Lúxembúrg, Frakklandi, England og Bandaríkjunum (ekið frá Seattle um Kaliforníu til Tucson í Arizona) og þannig séð margar og mismunandi útfærslur. Eftirfarandi greiningu og mögulegar lausnir byggi ég á þessari reynslu sem ökumaður.

Göngin eru of dimm.
Óvíða hef ég ekið dimmari göng en Hvalfjarðargöngin (sleppum Ólafsfjarðarmúla o.þ.u.l.). Göngin eru múrsprautuð með lit sem gleypir nánast alla birtu. Til þess að reyna að vega upp á móti þessu er miklu rafmagni eytt í raflýsingu, sem af sömu ástæðum dugar skammt. Þetta sjáum við meðal annars á því hversu hægt þeir aka, sem sjaldan fara um göngin, eða þeir sem farnir eru að missa bestu sjón.
Bæði í Bandaríkjunum og Frakklandi (og víðar) hef ég ekið um göng sem eru hvítkölkuð. Það munar gífurlega miklu á birtustigi og eykur á öryggi að göngin séu björt, vegna þess að minni athygli og orka fer í það að reyna að sjá hvar maður er staddur á veginum. Þetta er einn allra stærsti öryggisþátturinn í lokuðu umferðarrými (göngum, stokkum o.fl.).
Kantsteinar
Þegar ég fór um göngin áður en þau voru fullkláruð (þau voru stundum opnuð þegar veður voru ill) fundust mér þau víð og lofa góðu. En því miður fannst einhverjum þörf á að setja kantsteina og búa til eins konar gangstéttar á hvora hlið -- eins og þeir vissu ekki að umferð gangandi fólks yrði bönnuð!
Hvað gerist ef bíll rekst utan í kantstein? Margir bílstjórar hafa reynslu af því. Með örfáum undantekningum er eins og rykkt sé í stýrið og því snúið af afli í þá átt, sem hindrunin (kantsteinninn) er -- út af! Bíllinn hendist þá út í vegginn og kastast til baka út á veginn aftur og gjarnan út í vegg hinum meginn, eða veltur.
Eru aðrar lausnir? Það er mjög óvíða, nema í stuttum göngum og þá helst innanbæjar, sem maður sér kantsteina í göngum erlendis. Besta lausn sem ég hef séð er að setja "rillur" úr nokkurra millimetra þykku hvítu asfalti úti í kantana. Rillurnar (upphækkaðar línur) eru ýmist með jöfnu eða misjöfnu millibili. Þegar bíll ekur yfir þær, myndast hátt hljóð, sem vekur jafnvel fast sofandi bílstjóra. Þeir hafa þá smástund til þess að kippa bílnum inn á veginn aftur og þó svo að það gerist ekki, þá ætti bíllinn að fara mjúklegar út í vegginn og hætta á veltu eða miklum meiðslum að minnka töluvert.
Ég er sannfærður um að þessi lausn mundi fækka óhöppum í göngunum verulega.
Þungaflutningar
Mikið hefur verið kvartað undan þungaflutningum, einkum flutningum eldsneytis. Loksins hefur eitthvað verið gert varðandi þungaflutninga. Umferð þungaflutningabifreiða hefur verið takmarkaður við ákveðna tíma sólarhringsins -- misjafnan eftir dögum vikunnar. Mér sýnist þó að mikið vanti uppá. Enn eru venjulegir ökumenn að lenda í því að vanbúnir flutningabílar aka á allt niður í 20 km hraða niður göngin og safna á eftir sér fjölda bifreiða eða freista manna til ólöglegs framúraksturs. Þetta gera þeir vegna þess að þeir hafa ekki hemlunar- eða vélarafl til þess að stöðva bifreiðina ef eitthvað kemur upp á. Upp göngin hinum megin aka þeir svo á allt niður í sama hraða -- eftir hleðslu og vélarafli. Þessa þungaflutningaumferð þarf að takmarka við alminnsta umferðartíma.
Hættuleg efni (Dangerous Goods)
Akstur með eldfim og sprengifim efni voru vandamál, en eitthvað virðist hafa verið gert í þeim málum -- alla vega er það sjaldnar nú orðið, sem maður lendir í að aka á eftir slíkum bílum. Annað hvort ætti að banna þennan akstur með öllu, eða úthluta sérstökum tíma, sem þá væri vel auglýstur á skiltum og með framíkalli á útvarpssendingum ganganna, svo að menn eigi kost á að velja að aka þá Hvalfjörðinn eða að snúa við.
Mengun
Sumir ofangreindra flutningabíla og einnig aðrir bílar með dísilvélar valda mikilli mengun þegar ekið er undir álagi. Þá eru vélar eitthvað vanstilltar eða slitnar. Ég tel að taka þurfi nokkuð hart á þeim sem þannig tækjum aka, því að það er fremur óheilsusamlegt að anda að sér þeirri mengun, sóti og öðru, sem myndast við þessar aðstæður, einkum þar sem gangamenn virðast sparir á blásarana, sem eiga að sjá um að reykhreinsa göngin.

Hvað þarf að gera?

Sjálfsagt má nefna til fleiri hættur en hér eru nefndar, en eitt er víst: Eitthvað þarf að gera.
Í fluginu er lögð mikil áhersla á öryggismál. Þar starfa lögskipaðar nefndir og einnig hafa flugfélögn sjálf komið á stofn öryggisnefndum innan sinna veggja. Þessar nefndir reyna að finna leiðir til þess að minnka áhættuna í fluginu. Skrifaðar eru reglur sem félögin þurfa síðan að fara eftir.
Í samgöngumálum á landi virðast eingar slíkar nefndir vera starfandi. Ef þær eru það, þá fer lítið fyrir þeim. Að mínu viti verður að koma á sérstakri nefnd um umferð í veggöngum, sem hafi vald til þess að setja reglur um þennan öryggisþátt. Þessa nefnd þurfa hlutlausir aðilar að skipa, þ.e. ekki fulltúrar gangaeigenda eða Samgönguráðuneytis, nema í mesta lagi einn frá hvorum, þar sem báðir hljóta að teljast eiga sérstakra fjárhagslegra hagsmuna að gæta. Nefndarmenn þurfa að vera skipaðir af Umferðarráði, Hæstarétti, Bílgreinasambandi, FÍB, Neytendasamtakanna og öðrum, sem teljast mega fulltrúar "neytenda".
Hugsanlega þarf einhverja lagasetningu til þess að slík nefnd hafi nægilegt vægi. Það ætti ekki að þurfa, en mér sýnist því miður að eigendur ganganna og Samgönguráðuneyti hafi til þessa sýnt ákveðinn mótþróa í þeirri litlu umræðu af þessu sem þó hefur þegar farið fram (eldsneytisflutningar) og séu því ekki líklegir til þess að taka á málinu, og líkast til heldur líklegir til þess að standa í gegn.
Það væri gaman að fá umræðu um göngin, einkum hættuþáttinn, en einnig þarf að ræða gangagjaldið og þá mismunun sem þar á sér stað. En það er efni í annan pistil.

Ebay og PayPal

2004-09-01T11:58:00.000Z

Það er langt síðan ég skráði mig á Ebay og PayPal. PayPal notaði ég straxt til þess að kaupa diska með The Savage Rose, en Ebay var bara fikt. Nú um síðustu helgi var ég hins vegar að prófa mig áfram og náði í notaðan FrameMaker 6.0 +SGML á 51 dollar, diskur, bækur og allt. Forritið kostaði upprunalega um 1500 dollara. Góður díll. Einnig náði ég í 18GB SCSI disk á 31 dollar. Hvort tveggja greiddi ég með PayPal og svo tek ég þetta heim með ShopUSA. Það á eftir að sjá hvernig það gengur. Meira síðar. Böðvar

SuSE Linux 9.1 enduruppsettur

2004-06-19T14:42:00.000Z

Þegar lítill er tíminn taka hlutirnir oft langan tíma -- einkum það sem tilheyrir áhugamálunum.
Ég hef keypt ca 2 af hverjum 3 útgáfum á ári af SuSE Linux síðan í maí eða júní 1999, en þá keypti ég útgáfu 6.1. Vá! 1800 forrit á 5 geisladiskum! Ekkert smá flott fyrir þær 3.500 kr., sem það kostaði þá í Bóksölu stúdenta.
Síðan eru 5 ár og ég hef ekki fengið neinn vírus eða orm eða neitt slíkt, sem með neinum hætti hefur haft neikvæð áhrif á tölvuna (burtséð frá því litla plássi sem þetta rusl tekur , en yfirleitt kemur það með öðrum pósti).

SuSE 9.1

Fyrir rúmlega mánuði síðan fékk ég mér SuSE 9.1 uppfærslu hjá Nýherja. Pakkinn innihélt -- eins og síðustu útgáfur -- 5 geisladiska auk DVD fyrir 32 bita tölvur og Administration Guide upp á um 500 síður. Stærsta nýungin nú var hins vegar DVD fyrir 64 bita AMD og Intel, en ég á enga slíka, þannig að það nýtist mér ekki. En þetta er mögulegt með nýja Linux kjarnanum, 2.6. Því miður reyndist útgáfan gölluð. DVD diskurinn búttaði ekki og geisladiskarnir voru einnig eittvhað vænskilegir. Þetta er ekki í fyrsta sinn, sem slíkt kemur fyrir hjá SuSE. Þeir þyrftu að nota vandaðri diska eða að hafa betra eftirlit með diskunum sem fara út. Þó að þetta sé einstaklega ódýrt, þá skiptir máli að nýjir notendur fái ekki neikvæða reynslu og hætti við allt saman strax í upphafi.
Hjá Nýherja virðist það vera aðeins ein manneskja, sem getur sagt til um hvort gölluðum pakka fáist skipt. Hún var veik í meira en viku, þegar ég reyndi loks að fá skipt, en síðan gekk það allt í lok fyrri viku.
Fyrri pakkann hafði ég keyrt sem update, en þar sem einhverjir diskarnir voru gallaðir, þá heppnaðist updatið ekki nógu vel og komu upp ýmis vandamál með nokkur forritanna. Ég ákvað því nú að keyra þetta sem nýja uppsetningu, en byggða á gömlu partisjónunum, enda ekkert út á þær að setja, og með því móti er hægt að ákveða hvað maður ætlar að strauja og hverju á að halda.

Uppsetningin

Í stuttu máli, þá búttaði DVD diskurinn eins og ekkert væri. Ég ákvað, þegar ég var kominn aðeins af stað að minnka upplausnina í uppsetningunni, minnugur þess að sú upplausn er einnig notuð í textahamnum (console, F1-F6). Minna mál væri að breyta upplausninni fyrir X serverinn (fyrir gluggaumhverfið). Gott mál, nema að ég komst ekki alveg til baka nema með því að fara í Shutdown, sem keyrir niður Linuxinn og slekkur á tölvunni. Allt í lagi með það. Ég keyrði bara SuSE DVD diskinn upp aftur og nú gekk allt smurt. Ég notaði gömlu partisjónirnar og mántaði þær á sömu mountpoint og áður, stillti á að forma / (rótarmöppuna), /boot, /usr, /opt, /var og /tmp, en hélt /home, /work og /local, þannig að allt efnið inni á því héldi sér.
Ég hafði til þessa haldið að aðeins væri um 3 tegundir uppsetninga í byrjun að ræða, basic, KDE og einhverja þriðju með OpenOffice, en sáralítið af öðru. Nú sá ég að hægt var að komast fram hjá þessu og einfaldlega velja alla þá pakka sem ég vildi setja inn. Þetta tók mig ca klukkutíma (um 2000 pökkum úr að velja) og nú var bara að samþykkja og fara niður og fá sér kaffi (eða eitthvað annað) og horfa á sjónvarpið með konunni :-).

Ég uppgötva nýjungar

Ég fór upp eftir myndina og þá þurfti ég bara að svara spurningum varðandi configuration á ýmsu hardware og setja lykilorðið fyrir root. Að því búnu lauk tölvan uppsetningunni. Áður þurfti alltaf að setja upp a.m.k. einn notanda auk root, en það virðist fyrir bí núna með SuSE 9.1. Nú var bara að logga sig inn, og þar sem aðeins root hafði verið settur upp, varð ég að logga mig inn sem root. Fyrsta verkefni root var þá að setja upp nýja notendur. Ég hafði alltaf þurft að vista gömlu notendurna undir nýju nafni áður en uppsetning hófst, þar sem einhvern tíma neitaði uppsetningarforritið YaST að nota þá gömlu. En nú er komin breyting á. Ég uppgötvaði sem sé að hægt er að nota gömlu möppurnar, búa til sömu notendur með sömu userid og allt sem þarf er að setja lykilorðin upp á nýtt.
Glæsilegt! Aldrei hefur verið jafn auðvelt að setja upp Linux kerfi.

ADSL tengingin

Eins og venjulega er SuSE með þýska ADSL standardinn (ekki Microsoft), en Alcatel ADSL Ethernet módemið mitt notar sér pptp forrit, sem er sem sé öðruvísi en hjá SuSE. Allt sem eftir var að gera til þess að fá allt til að keyra var að kópera gömlu skrárnar inn á sína staði. Það er bara að muna þetta allt:

/etc/resolv.conf
/etc/hosts
/etc/ppp/chap-secrets
/etc/ppp/options

og síðan skriptin til að keyra upp og taka niður ADSL tenginguna.
Eitthvað reyndist vera rangt hjá mér um nóttina, svo að ég ákvað að sofa á því og fann út úr því síðan áðan. Ég hafði verið með ranga ip tölu á einum stað. Það er ekki gott þegar hún á að passa við host (eigin tölvu!). Sem sagt, frábært. Mæli með uppsetningu af þessu tæi. Böðvar.

Paging problems in a book (FM 7.0 v/s QPulse)

2004-06-10T15:56:00.000Z

I have been doing some real tests in FM 7.0 on a AMP-B747. In order to be able to manage each section individually by QP, I made a book file that includes some 65 files which make up 4 parts (volumes) of the book + preamble (control pages and such). In this case each chapter is treated as volume and each section as a chapter. The result is, that if I want to keep the paging system [page# of pages], each file must be set to start page counting at #1. If I want to keep running page numbers, I must either have only the page number or all pages where I want to show [page# of pages] in one file. Another problem with the separation of sections into files, is that left/right starting pages must be handled manually. Conclusion: Keep with one file for each body of book part (part, chapter) in one file, as much as possible. However, in the rare cases of printing and disseminating hundreds of copies of partial revisions, separation of sections into files may be feasible.

Comments added

2004-06-08T08:53:00.000Z

I added the possibility for users to insert their comments to my blog yesterday. Didn't seem to work to well, so today I changed the [imported] template snippet a bit and now it works. At least a window opens for the reader to write his/her comments.

Tímamót -- fjölmiðlalög og Savage Rose

2004-06-03T12:11:00.000Z

Það var stór dagur í gær. Í fyrsta sinn í sögu lýðveldisins neitaði forseti að undirrita lög og vísaði þar með máli til þjóðaratkvæðagreiðslu.

Sama dag fékk ég langþráðan disk í hendur, disk/plötu, sem ég hef mikið reynt að ná í, In the Plain með the Savage Rose.

Fjölmiðlalögin

Mér finnst Ólafur Ragnar hafa sýnt mikinn skörungsskap með ákvörðun sinni, enda margt við þessi lög að athuga.

Lögin (um breytingu á fjölmiðlalögum og samkeppnislögum) finnur þú hér: Lög um breytingu á útvarpslögum, nr. 53/2000, og samkeppnislögum, nr. 8/1993. en eldri lög hér: Útvarpslög nr 53 árið 2000 og Samkeppnislög nr. 8, 1993.

Mínar athugasemdir við lagabreytingarnar eru einkum þessar:

Vald er fært að öllu leyti frá Alþingi til menntamálaráðherra og til hæstaréttar, sem skipaður er af dómsmálaráðherra ( a-liður, breyting á 2. gr.). Hver er ástæðan fyrir því, önnur en valdagræðgi ráðherra? Afleiðingin hlýtur að vera meiri samþjöppun valds til handa ríkisstjórn. Texti þessarar málsgreinar er ekki nægilega skýr til þess að greina megi með vissu hvort aðalmenn eigi að vera 3 eða 5 eða jafnvel 6. Pólitíkusar eru, eins og saga síðustu missera sýnir, gjarnir á að túlka allt sem hægt er að túlka á fleiri en einn veg sér í hag.
Hæstaréttardómarar (hæstiréttur) eru skipaðir af dómsmálaráðherra, þannig að hér er komið á nánast hreinu ráðherravaldi.
a-liður málsgreinar b (undarlegar merkingar út af fyrir sig, sem benda til flausturslegrar vinnu) beinist augljóslega að einu fyrirtæki eða samsteypu, sem kannski þarf ekki að vera ónauðsynlegt á öllum tímum, en manni finnst óþarfi að taka á með þessum hætti. Hvað með eignarréttarákvæði og annað slíkt?
Hér eru sett viðmið í fastri krónutölu. Það þýðir að með tímanum og áframhaldandi verðbólgu gjaldfalla þessi lög.
Hægt hefði verið að ná þessum markmiðum með lítilsháttar breytingu á samkeppnislögum.
Ég tel samt að eignarhaldið skipti ekki mestu máli, heldur hvernig því er varið. Hefði verið miklu betra að setja inn ákvæði um heimild til eftirlits með því hvort eignarhald hafi veruleg áhrif varðandi samkeppnishamlandi skoðanamyndun og takmörkun á frelsi þeirra sem starfa við viðkomandi fjölmiðil og annarra, sem óska að koma skoðunum sínum á framfæri. En þá er eftir að ákvarða verkaskiptingu milli Samkeppnisstofnunar og útgarpsréttarnefndar.
Ekki er tekið á samþjöppun eignarhalds og aðstöðu til skoðanamyndunar sem átt getur sér stað með öðrum hætti, t.d. í gegnum pólitík. Davíð Oddsson gæti t.d. keypt upp hvern fjölmiðilinn af öðrum, ef honum svo sýndist (og ef hann gæti fjármagnað kaupin) og ráðið þannig algerlega umræðunni. (Ekki að ég telji að hann geri það, svo sem!)
Þannig er Berlusconi-syndrómið til staðar að öðru leyti en því að þeim sem rekur dagblað (ekki annars konar blöð) eða á í slíku útgáfufyrirtæki má ekki veita útvarpsleyfi.
Hver er eiginlega hættan við að einhver geti rekið fleiri tegundir fjölmiðla? Eru ekki einmitt möguleikarnir í tækni dagsins í dag "Single Sourcing" og "Multi Media"? Þetta ákvæði er því beinlínis hlæilegt!
Áhrifin af meginmálsgrein b-liðar b (Skylt er þeim...) eru að mínu mati ófyrirsjáanleg.

Spurningin er nú þessi: Er þjóðin tilbúin til að setja sig inn í þessa lagasetningu og kjósa af yfirvegun um þau?

The Savage Rose

Það er hreing merkilegt hvað þessi hljómsveit -- og einkum platan In the Plain frá 1968 verkar sterkt á mig. Söngkonan, Anisette, er hreint einstök. Hvergi hef ég heyrt annan eins söng, bæði kraft, mýkt, grófleika og dýnamík. Mér finnst skaði að að hljómsveitin hafi ekki náð betur eyrum Íslendinga. En hér er vefur, þar sem hægt er að fá frekari upplýsingar um hljómsvetina: SavageRose.com Sem sagt, ég óska þjóðinni og sjálfum mér til hamingju. Böðvar

2004-05-21T00:03:00.000Z

Kay Ethier, the teacher/schoolmaster of Brightpath Solutions, referred me to LinkedIn some three months ago. As I trust her totally, I signed up but did not do any testing until after Sarah O'Keefe of Scriptorium Inc sent me an invitation too. Now both are my links, and I have had a look at the system. 36 people living in Iceland are members. I have as a total more than 45,000 people that I can search for regarding services in many categories. Real cool. I am going to expand. ;-)

Gmail

2004-05-21T00:00:00.000Z

Siggi Hrafn invited me to Gmail the other day. Gmail is great, even though it is in trial state (Beta). It has categories which you can apply more than one to each mail as needed. Works like copying your mail into different mail folders. And it is FAST! Hope it will prove reliable too.

13. maí

2004-05-13T21:53:00.000Z

Ég var allt í einu að fatta hvaða dagur er í dag. 13. maí -- afmæli mömmu heitinnar. Hún hefði orðið 81 árs í dag. Þann 13. des. verða 40 ár síðan hún dó. Blessuð sé minning hennar. Hún er í faðmi Guðs.

Framgangur í Frame

2004-05-13T21:42:00.000Z

Langur tími síðan síðasta blogg átti sér stað. Ég hef verið í önnum í vinnunni, verkefnin hrannast upp og fjármáladeildin er í mínus með að ráða mannskap, sem allir yfirmenn hafa þó samþykkt. Undarleg deild. Það er eins og þeir kunni bara kredit, ekki debet, í bókhaldinu. En það er þó sama. Ég náði góðum árangri að koma CAM í prentun á þriðjudag með engum fyrirvara til þess að fá hann úr prentun með engum fyrirvara. Hefði ekki getað þetta nema út af því að þetta er í Adobe FrameMaker. Þetta var sérútgáfa en um leið var gert tilboð í heildarútgáfuna. Náði að klára óstyttu útgáfuna í dag 446 síður með hyperlinkuðu main ToC, sem linkar í hyperlinkaða kafla ToC. (Þetta skilur ekki nokkur maður!). En þetta lofar flottu fyrir on-line/CD-ROM útgáfuna. Sansa restina á morgun. AMPinn verður að klárast um helgina. Verst hvað hann er hræðilega illa unninn í hendurnar á mér. Ég ætla mér að gera hann flottan líka. Stöðugar endurbætur -- það er mottóið, sem ég hef sett mér. Það hefur gengið upp til þessa -- með Guðs hjálp. Þakka þér fyrir, Guð.

Should I learn Assembler?

2004-05-07T14:11:00.000Z

I got a link to this very interesting article in an e-mail from the Basiclinux mailing list.

Why Learning Assembly Language is Still a Good Idea by Randall Hyde -- Randall Hyde makes his case for why learning assembly language is still relevant today. The key, says Randall, is to learn how to efficiently implement an application, and the best implementations are written by those who've mastered assembly language. Randall is the author of Write Great Code (from No Starch Press).

This is not the first time I hear this, and by what I have heard I believe the guy is absolutely right. Check the article out. And if you got the time, get a good book on Assembly language.

Vorráðstefna PTS 2004

2004-04-29T10:31:00.000Z

Ég hef ekki fengið póst frá Prenttæknistofnun (PTS) lengi. Sá svo í Mogganum í morgun auglýsingu frá PTS um vorráðstefnu, þar sem fjallað verður um PDF í ólíku umhverfi. Fékk leyfi hjá Atlanta til að fara á þeirra kostnað. Það verður gaman að sjá íslenskt sjónarhorn á þessu máli, sem ég var búinn að skoða á námskeiðunum hjá Shlomo Perets hjá MicroType. Nýi framkvæmdastjórinn hjá PTS ætlar að bæta mér aftur inn á póstlistann.

Another Solution

2004-04-28T16:21:00.000Z

Checking the netsolutions further, Tölvulistinn told me about another solution, i.e. an ethernet adapther through the domestic electric system (230V). I will need two ea only which will amount to 1/3 of the total cost of the Wireless ADSL Router. I already have and ADSL on the Ethernet, a 4x hub and several computers with netcards included, so here is the solution for the inhouse network between floors/rooms. Only ISK 3.490 each adapter. Thi system reaches some 90 meters through the power mains system.